Category: Wayanad

കെല്ലൂർ:കെല്ലൂർ ടൗൺ മുസ്ലിം യൂത്ത്‌ ലീഗ്‌ കമ്മിറ്റിയുടെ നേതൃത്വത്തിൽ വിവിധ സ്പോർട്ട്സ്‌ ഇനങ്ങൾക്കുള്ള കിറ്റുകളുടെ വിതരണോത്ഘാടനം മുസ്ലിം യൂത്ത്‌ ലീഗ്‌ ജില്ല ട്രഷറർ ഉവൈസ്‌ എടവെട്ടൻ നിർവ്വഹിച്ചു.സി കെ അബ്ദുറഹ്മാൻ,ആഷിഖ്‌ എം.കെ,എൻ റസാഖ്‌,എം.കെ അഷ്കർ,റഷീദ്‌ കമ്പർ,ഷമീർ തുരുത്തിയിൽ,ഉനൈസ്‌ കാഞ്ഞായി,മഷ്‌ഹൂദ്‌ പുറക്ക എന്നിവർ സന്നിഹിതരായിരുന്നു.

കുഞ്ഞോം:പുതിയ കാലം പുതിയ ഭാവം എന്ന പ്രമേയത്തിൽ കുഞ്ഞോം ശാഖയിൽ പ്രയാണം 2021 – 22- ക്യാമ്പയിൻനിയോജക മണ്ഡലം മുസ്ലിം ലീഗ് ജനറൽ സെക്രടറി പി.കെ അസ്മത്ത് ഉദ്ഘാടനം ചെയ്തു. അഹമ്മദ് മാസ്റ്റർ, കബീർ മാനന്തവാടി,ജലീൽ പടയൻ,ടി.മൊയ്തു,സലീം അസ്ഹരി,അനീസ് കാപ്പിക്കണ്ടി,ഹംസ്സ,മുനീർ എന്നിവർ സംസാരിച്ചു

പുല്‍പ്പള്ളി: ബത്തേരി റോഡിലെ ചീയമ്പം ഇറക്കത്തിലുള്ള വളവില്‍ ലോഡുമായി വന്ന ലോറി നിയന്ത്രണം വിട്ട് മറഞ്ഞു. റോഡരികിലുണ്ടായിരുന്ന ഒരാള്‍ക്ക് നിസാര പരിക്കേറ്റു. ഇന്ന് രാവിലെ 10.30 യോടെയാണ് അപകടം. ചീയമ്പത്ത് മത്സ്യവില്‍പ്പനശാലയിലെ സന്തോഷിനാണ് പരിക്കേറ്റത്. കൊല്‍ക്കത്തയില്‍ നിന്നും അരിയുമായി പുല്‍പ്പള്ളിലേക്ക് വരികയാരിരുന്ന ലോറിയാണ് അപകടത്തില്‍പ്പെട്ടത്.ഈ വളവില്‍ അപകടം ഉണ്ടാകുന്നത് പതിവായി മാറിയിരിക്കുകയാണെന്ന് നാട്ടുകാര്‍ പറഞ്ഞു.

മേപ്പാടി: കാൻസർ ചികിത്സാ രംഗത്ത് വളരെ അനിവാര്യമായ കീമോതെറാപ്പിക്കായി ജില്ലയിൽ നിന്നും മറ്റു സ്ഥലങ്ങളിലേക്ക് പോകുന്ന രോഗികളുടെ എണ്ണം വർധിച്ചുവരുന്ന സാഹചര്യത്തിൽ അത്തരം രോഗികൾക്ക് ആശ്വാസമേകാൻ ആസ്റ്റർ വയനാട് കാൻസർ രോഗ വിഭാഗം സ്‌പെഷ്യലിസ്റ്റ് ഡോ. നിതിൻ എബ്രഹാമിന്റെ നേതൃത്വത്തിൽ കീമോതെറാപ്പി ആരംഭിച്ചതായി ആശുപത്രി അധികൃതർ അറിയിച്ചു. ഇതിനായി പ്രത്യേകം സജ്ജീകരിച്ച വാർഡും മെഡിസിൻ മിക്സിങ് യൂണിറ്റും പ്രവർത്തിച്ചുവരുന്നു. ഇതോടെ കീമോതെറാപ്പിക്കുവേണ്ടി മറ്റു ജില്ലകളെ ആശ്രയിച്ചുവരുന്ന രോഗികൾക്ക് നീണ്ട യാത്രകളും അതിനു വേണ്ടിയുള്ള ഭാരിച്ച ചെലവുകളും ഒഴിവാക്കാൻ […]

തിരുനെല്ലി:തിരുനെല്ലി ഗ്രാമപഞ്ചായത്തിലെ നെടുംതന, കക്കേരി കോളനികള്‍ ജില്ലാ കളക്ടര്‍ എ. ഗീത സന്ദര്‍ശിച്ചു. വനാവകാശ നിയമപ്രകാരം കൈവശ രേഖ അനുവദിക്കുന്നതുമായി ബന്ധപ്പെട്ട നടപടികള്‍ ത്വരിതപ്പെടുത്തുന്നതിന്റെ ഭാഗമായിരുന്നു സന്ദര്‍ശനം. കക്കേരി,നെടുംതന കോളനിയില്‍ നിന്ന് 111 അപേക്ഷകളാണ് കൈവശ രേഖ അനുവദിക്കുന്നതിനായി പരിഗണിക്കുന്നത്. കൈവശ രേഖ ഇല്ലാത്തതിനാല്‍ നിരവധി ആനുകൂല്യങ്ങള്‍ ലഭിക്കുന്നില്ലെന്നും കുടുംബങ്ങള്‍ ആശങ്ക പങ്കുവെച്ചു. സബ് ഡിവിഷന്‍ കമ്മറ്റി കൂടി രണ്ടുമാസത്തിനകം പരിഹാര നടപടികള്‍ ഉണ്ടാകുമെന്ന് കളക്ടര്‍ കോളനിവാസികള്‍ക്ക് ഉറപ്പുനല്‍കി. കാട്ടുനായ്ക, പണിയ വിഭാഗത്തില്‍പ്പെട്ടവര്‍ ഏറെയുളള നെടുംതന, കക്കേരി […]

എടവക : എടവക ഗ്രാമ പഞ്ചായത്ത് 2021-22 വാർഷിക പദ്ധതിയിലുൾപ്പെടുത്തി പണി പൂർത്തീകരിച്ച പതിനേഴാം വാർഡിലെ കമ്മോം ബസ് കാത്തിരിപ്പ് കേന്ദ്രം ഗ്രാമ പഞ്ചായത്ത് പ്രസിഡണ്ട് എച്ച്.ബി പ്രദീപ് മാസ്റ്റർ ഉദ്ഘാടനം ചെയ്തു.ഗ്രാമ പഞ്ചായത്ത് വൈസ് പ്രസിഡണ്ട് ജംസീറ ശിഹാബ് അദ്ധ്യക്ഷത വഹിച്ചു.ഗ്രാമ പഞ്ചായത്തംഗം അഹമ്മദ് കുട്ടി ബ്രാൻ, കെ വി സി അമ്മദ്,ശിഹാബ് മുതുവോടൻ ,ഷിജോ ചിറ്റിലപ്പള്ളി ,ഇബ്രാഹിം കൊണിയൻ നിസാർ കുരുടൻ, സുനീർ ബ്രാൻ,ജമാൽ സഹദി, അബ്ദുള്ള ആലി പടിക്കലക്കണ്ടി എന്നിവർ സംബന്ധിച്ചു

കണിയാരം: സിപിഐ(എം) നേതാവായിരുന്ന കെ.ഗോവിന്ദന്‍ നമ്പ്യാരുടെ രണ്ടാമത് ചരമവാര്‍ഷിക ദിനം മാനന്തവാടി കണിയാരത്ത് ആചരിച്ചു. സിപിഐ(എം) കണിയാരം ലോക്കല്‍ സെക്രട്ടറി കെ.വി ജുബൈര്‍ പതാകഉയര്‍ത്തി. എ.സോമദാസ് അധ്യക്ഷനായിരുന്നു. ടി.കെ ചന്ദ്രന്‍, രമാദേവി, ജെയിസ് വര്‍ഗ്ഗീസ്, രാജു മൈക്കിള്‍, കെ.വി രാജു, എ.കെ റൈഷാദ് തുടങ്ങിയവര്‍ സംസാരിച്ചു.

കമ്പളക്കാട്: വയനാട് ജില്ല ബി കാറ്റഗറിയിലായതിനാല്‍ പള്ളിക്കുന്ന് ദേവാലയ മഹോത്സവത്തോടനുബന്ധിച്ച് ദേവാലയ പരിസരത്ത് വഴിയോര കച്ചവടങ്ങള്‍ ഉള്‍പ്പെടെ എല്ലാവിധ കച്ചവടങ്ങളും നിരോധിച്ചതായി കമ്പളക്കാട് പോലീസ് അറിയിച്ചു. ദൂരെ നിന്നും മറ്റും കച്ചവടക്കാരെത്തി കച്ചവടം നടത്താനാകാതെ തിരിച്ചു പോകേണ്ട ദുരവസ്ഥ ഒഴിവാക്കാന്‍ കൂടി വേണ്ടിയാണ് പോലീസ് മുന്നറിയിപ്പ്. ദേവാലയത്തിലെ തിരുന്നാള്‍ ഉത്സവം കോവിഡ് മാനദണ്ഡങ്ങള്‍ പാലിച്ചായിരിക്കും നടത്തപ്പെടുക.