Category: National

ഗാഡ്‌ചിരോളി (മഹാരാഷ്ട്ര)• മഹാരാഷ്ട്ര പൊലീസിന്റെ സി-60 യൂണിറ്റും മാവോയിസ്റ്റുകളും തമ്മിലുള്ള എറ്റുമുട്ടലിൽ 13 മാവോയിസ്റ്റുകൾ കൊല്ലപ്പെട്ടു. എട്ടപ്പള്ളിയിലെ പോണ്ടി-കോട്ട്മി വനത്തിൽ വെള്ളിയാഴ്ച പുലർച്ചെയാണ് ഏറ്റുമുട്ടൽ ഉണ്ടായത്.പ്രദേശത്തുനിന്ന് മാവോയിസ്റ്റുകളെ തുടച്ചുനീക്കുമെന്ന് ഗാഡ്ചിരോലി ഡപ്യൂട്ടി ഇൻസ്പെക്ടർ ജനറൽ (ഡിഐജി) സന്ദീപ് പാട്ടീൽ പറഞ്ഞു.

പഞ്ചാബില്‍ വ്യോമസേന വിമാനം തകര്‍ന്ന് സേന പൈലറ്റ് മരിച്ചു. പഞ്ചാബിലെ മോഗ ജില്ലയിലാണ് മിഗ്-21 വിമാനം അപകടത്തില്‍ പെട്ടത്. വെള്ളിയാഴ്ച്ച പുലര്‍ച്ചെയാണ് സംഭവം.വ്യോമസേനയുടെ പതിവ് പരിശീലന പറക്കലിനിടെയായിരുന്നു അപകടമെന്ന് ന്യൂസ് ഏജന്‍സികള്‍ റിപ്പോര്‍ട്ട് ചെയ്തു. പഞ്ചാബിലെ മോഗ ജില്ലയില്‍ ബഘപുരാനയിലാണ് അപകടം. സ്‌ക്വാഡറന്‍ ലീഡര്‍ അഭിനവ് ചൗധരിയാണ് കൊല്ലപ്പെട്ടതെന്ന് വ്യോസേന ട്വിറ്ററില്‍ അറിയിച്ചു. ദുരന്തത്തില്‍ കുടുംബത്തിനുണ്ടായ നഷ്ടത്തില്‍ സേന അനുശോചിക്കുന്നതായും ഐ.എ.എഫ് ട്വീറ്റ് ചെയ്തു.സംഭവത്തില്‍ സൈന്യം അന്വേഷണത്തിന് ഉത്തരവിട്ടതായി എ.എന്‍.ഐ റിപ്പോര്‍ട്ട് ചെയ്തു.

രാസവള സബ്‌സിഡി വര്‍ധിപ്പിക്കാന്‍ കേന്ദ്രസര്‍ക്കാര്‍ തീരുമാനമെടുത്തു. ലോക വിപണിയിലെ വിലക്കയറ്റം പരിഹരിക്കുന്നതിന് വേണ്ടിയാണ് രാസവള സബ്‌സിഡി വർധിപ്പിക്കാൻ തീരുമാനിച്ചിരിക്കുന്നത്. സബ്‌സിഡി 140 ശതമാനം വര്‍ധിപ്പിക്കാനാണ് തീരുമാനം. ഇതുപ്രകാരം, ഒരു ബാഗ് ഡി അമോണിയം ഫോസ്‌ഫേറ്റ് രാസവളത്തിന് ഇനി മുതല്‍ 500 രൂപയില്‍നിന്നും 1,200 രൂപ സബ്‌സിഡിയായി ലഭ്യമാകും. അന്താരാഷ്ട്ര വിലക്കയറ്റമുണ്ടായിട്ടുണ്ടെങ്കിലും കര്‍ഷകര്‍ക്ക് പഴയ നിരക്കില്‍ വളം ലഭ്യമാക്കണമെന്ന് പ്രധാനമന്ത്രി നരേന്ദ്രമോദി പറഞ്ഞു. രാസവള സബ്‌സിഡി നല്‍കുന്നതിനായി 14,775 കോടി രൂപ അധികമായി ചെലവഴിക്കേണ്ടതായി വരും. 95,000 കോടി […]

പ്രതിപക്ഷ എം.എൽ.എമാരെ ഉൾപെടുത്തി തമിഴ്​നാട്​ മുഖ്യമന്ത്രി എം.കെ. സ്​റ്റാലിൻ 13 അംഗ കോവിഡ്​ ഉപദേശക സമിതി രൂപീകരിച്ചു. എ.ഐ.എ.ഡി.എം.കെ നേതാവും മുൻ ആരോഗ്യമന്ത്രിയുമായ വിജയഭാസ്​കർ അടങ്ങുന്നതാണ് ടാസ്​ക്​ഫോഴ്​സ്​. മുഖ്യമന്ത്രിയായിരിക്കും സമിതിയുടെ അധ്യക്ഷൻ. മേയ് 13 ന് വിളിച്ചുചേര്‍ന്ന സര്‍വകക്ഷിയോഗത്തില്‍ പാസാക്കിയ പ്രമേയത്തിന് തുടര്‍ച്ചയായാണ് കമ്മിറ്റി രൂപീകരണം.സംസ്ഥാനത്തെ കോവിഡ്​ സാഹചര്യം വിലയിരു​ത്താൻ കമ്മറ്റി അതാത്​ സമയത്ത്​ യോഗം ചേരും. ഭരണകക്ഷിയായ ഡി.എം.കെയും പ്രതിപക്ഷമായ അണ്ണാ ഡി.എം.കെയുമായി കടുത്ത ശത്രുത പുലര്‍ത്തുന്ന പശ്ചാത്തലത്തില്‍ ഈ രാഷ്​ട്രീയ ഐക്യത്തിന്​ വലിയ പ്രാധാന്യമാണ്​ […]

മതത്തിന്റെ പേരിൽ ജനങ്ങളെ ഭിന്നിപ്പിക്കുന്ന ഇന്ത്യൻ ഭരണഘടനയ്ക്ക് എതിരാണെന്ന് ഉത്തർപ്രദേശ് മുഖ്യമന്ത്രി യോ​ഗി ആതിഥ്യനാഥ്. പഞ്ചാബ് പുതിയ ജില്ലയ്ക്ക് രൂപം നൽകിയ സംഭവത്തെ വിമർശിക്കവെയാണ് ബിജെപി നേതാവിന്റെ പ്രസ്താവന. മലെർകോട്‍ല എന്ന പേരിൽ പഞ്ചാബിൽ പുതിയ ജില്ല രൂപീകരിക്കാൻ കോൺ​ഗ്രസ് തീരുമാനിച്ചതിന് പിന്നിൽ ഭിന്നിപ്പിക്കൽ നയം മാത്രമാണ്. മതത്തിന്റെയോ വിശ്വാസത്തിന്റെയോ പേരിൽ ജനങ്ങളെ ഭിന്നിപ്പിക്കുന്നത് ഇന്ത്യൻ ഭരണഘടനയുടെ ആദർശത്തിന് എതിരാണെന്നും യോ​ഗി ചൂണ്ടിക്കാണിച്ചു. നേരത്തെ മുസ്ലിം വിരുദ്ധ നയങ്ങളുടെ പേരിൽ യോ​ഗി നിരവധി തവണ വിമർശനങ്ങളേറ്റുവാങ്ങിയിരുന്നു.