Category: Wayanad

വെള്ളമുണ്ട: വയനാട് ജില്ലാ പഞ്ചായത്ത് വെള്ളമുണ്ട ഡിവിഷൻ എൽ.ഡി.എഫ് സ്ഥാനാർഥിയായി ജുനൈദ് കൈപ്പാണി മത്സരിക്കുന്നു.ജില്ലയിൽ ഇടതുപക്ഷ ജനാധിപത്യ മുന്നണി ജനതാദൾ എസിനു നൽകിയ ജില്ലാ പഞ്ചായത്ത് ഡിവിഷനാണ് വെള്ളമുണ്ട.ജനതാദൾ എസ് വയനാട് ജില്ലാ വൈസ് പ്രസിഡന്റും സംസ്ഥാന നിർവാഹക സമിതിയംഗവുമായ ജുനൈദ്‌ കൈപ്പാണിഎഴുത്തും പ്രസംഗവും വായനയും സംഘാടനവും ഒരേ സമയം ഒത്തിണങ്ങി വന്ന വ്യക്തിത്വമാണ്. സാമൂഹ്യ-സാംസ്ക്കാരിക രംഗത്ത് നിറഞ്ഞു നിൽക്കുന്ന സജീവ സാന്നിധ്യവുമായ ജുനൈദ് പ്രമുഖ ന്യൂസ് പോർട്ടലായ വൈഡ് ലൈവ് ന്യൂസിന്റെ മാനേജിങ് എഡിറ്ററും ജേർണലിസ്റ്റ് […]

വെള്ളമുണ്ടഃ മാധ്യമ രംഗത്ത് ശ്രദ്ധേയമായ പന്ത്രണ്ട് വർഷം പൂർത്തീകരിച്ച ന്യൂസ് റിപ്പോർട്ടർ കെ.എൻ വിജിത്തിനെ വെള്ളമുണ്ട വിജ്ഞാൻ ലൈബ്രറി ആദരിച്ചു. ചടങ്ങിൽ കെ.കെ ചന്ദ്രശേഖരൻ അധ്യക്ഷത വഹിച്ചു. എം സി ഇബ്രാഹിം ഹാജി ഉദ്ഘാടനം ചെയ്തു. സി.കെ അബ്ദുൾ റഷീദ് ഉപഹാരം കൈമാറി. എം സഹദേവൻ,എം ശശി മാസ്റ്റർ, എം അബ്ദുൾ അസീസ് മാസ്റ്റർ, മിസ്‌വറലി, ഷബീറലി വെള്ളമുണ്ട, കെ മമ്മൂട്ടി, പി.ജെ കുര്യാച്ചൻ എന്നിവർ സംസാരിച്ചു.

പേപ്പട്ടി ആക്രമണത്തിൽ ഒന്നര വയസുള്ള കുട്ടിയടക്കം നിരവധി പേർക്ക് പരിക്ക് . പടിഞ്ഞാറത്തറ പാണ്ടം കോട് പ്രദേശത്താണ് പേപട്ടിയുടെ ആക്രമണമുണ്ടായത് . നിരവധി ആളുകൾക്ക് കടിയേറ്റു. ഇന്ന് രാവിലെയാണ് ഒന്നര വയസുള്ള കുട്ടി അടക്കം നിരവധി ആളുകൾക്ക് പരിക്ക്. പട്ടിയെ പിടികൂടാൻ സാധിച്ചിട്ടില്ല. പ്രദേശവാസികൾ ജാഗ്രത പാലിക്കണമെന്ന് മുന്നറിയിപ്പ് നൽകി. പരിക്കേറ്റവരെ ചെന്നലോട് പി.എച്ച്.സി. യിലും കൽപ്പറ്റ ജനറൽ ആശുപത്രിയിലും പ്രവേശിപ്പിച്ചു.

കൽപ്പറ്റഃ വയനാട് ജില്ലാ ലൈബ്രറി കൗൺസിൽ നടപ്പിലാക്കുന്ന “ഓർമ്മ ദിനത്തിൽ ഒരു സാന്ത്വനം”പദ്ധതിയുടെ ഭാഗമായി ഡയാലിസിസ് രോഗികളെ സഹായിക്കുന്നതിനായി ഗ്രന്ഥശാലകൾ സമാഹരിച്ച തുകയിൽ നിന്നും ഡയാലിസിസ് രോഗികൾക്കുള്ള ആദ്യഘട്ട ധനസഹായ വിതരണം കൽപ്പറ്റ നിയോജകമണ്ഡലം എം.എൽ.എ. സി.കെ.ശശീന്ദ്രൻ നിർവ്വഹിച്ചു. ഓരോ കുടുംബത്തിൽ നിന്നും വിശേഷ ദിവസങ്ങളുടെ ഓർമ്മക്കായി ഗ്രന്ഥശാലകൾ നേരിട്ട് പണം കൈപ്പറ്റുകയും പ്രസ്തുത തുക ജില്ലാ ലൈബ്രറി കൗൺസിൽ മുഖാന്തിരം പാലിയേറ്റീവ് പ്രവർത്തനങ്ങൾക്ക് ഉപയോഗിക്കാനും ലക്ഷ്യമിട്ടുള്ള പദ്ധതിയാണ് ഓർമ്മ ദിനത്തിൽ ഒരു സാന്ത്വനം പദ്ധതി. ജില്ലയിലെ […]