Category: National

സ്കൂള്‍ വിദ്യാര്‍ഥിനിക്ക് അശ്ലീല സന്ദേശമയച്ച സുവിശേഷ പ്രാസംഗികന്‍ അറസ്റ്റില്‍. കോയമ്പത്തൂര്‍ പൊലീസാണ് സാമുവല്‍ ജയ്സുന്ദര്‍ എന്നയാളെ അറസ്റ്റ് ചെയ്തത്. ‌2011 മുതല്‍ 2015 വരെ സാമുവല്‍ ജയ്സുന്ദര്‍ എന്ന സുവിശേഷ പ്രാസംഗികന്‍ അശ്ലീല സന്ദേശമ അയച്ചതായി വിദ്യാര്‍ഥിനി പരാതിപ്പെട്ടതിന് പിന്നാലെ നിരവധിപ്പേരാണ് സമാന പരാതികളുമായി എത്തിയിരിക്കുന്നത്. പോക്സോ നിയമം അനുസരിച്ചാണ് ഇയാളെ അറസ്റ്റ് ചെയ്തിരിക്കുന്നത്. ഇവാഞ്ചലിക്കല്‍ ക്രിസ്ത്യന്‍ സംഘടനയായ സ്ക്രിപ്ചര്‍ യൂണിയന്‍റെ ഭാഗമാണ് സാമുവല്‍. ഇയാള്‍ അയച്ച സന്ദേശങ്ങളുടെ സ്ക്രീന്‍ഷോട്ടുകള്‍ പുറത്ത് വന്നതിന് പിന്നാലെയാണ് സംഭവം പുറത്തറിയുന്നത്. […]

കോണ്‍ഗ്രസ് നേതാവ് കമല്‍നാഥിനെ കോണ്‍ഗ്രസിന്റെ താരപ്രചാരക ലിസ്റ്റില്‍ നിന്ന് ഒഴിവാക്കി. തുടര്‍ച്ചയായി തിരഞ്ഞെടുപ്പ് പെരുമാറ്റച്ചട്ടം ലംഘിച്ചുവെന്ന് കണ്ടെത്തിയതിനെ തുടര്‍ന്നാണ് തിരഞ്ഞെടുപ്പ് കമ്മീഷന്റെ നടപടി. നവംബര്‍ മൂന്നിന് മധ്യപ്രദേശില്‍ 28 മണ്ഡലങ്ങളിലേക്ക് ഉപതിരഞ്ഞെടുപ്പ് നടക്കാനിരിക്കെയാണ് നടപടി. കമല്‍നാഥ് തിരഞ്ഞെടുപ്പ് കമ്മീഷന്റെ എല്ലാ മാര്‍ഗനിര്‍ദേശങ്ങളും പൂര്‍ണമായും അവഗണിച്ചതായി കമ്മീഷന്‍ വ്യക്തമാക്കി. ഇന്ന് മുതല്‍ കമല്‍നാഥിന് താരപ്രചാരക പദവി ഉണ്ടാകില്ല. അതിനാല്‍ തുടര്‍ന്ന് കമല്‍നാഥ് പങ്കെടുക്കുന്ന എല്ലാ പ്രചാരണ പരിപാടികളുടെയും ചിലവ് അതത് സ്ഥാനാര്‍ഥികള്‍ വഹിക്കണമന്നും കമ്മീഷന്‍ അറിയിച്ചു. ബിജെപിയുടെ വനിതാ […]

പാര്‍ട്ടിയുടെ ഒരു എം എല്‍ എയെ 25 കോടിക്ക് ബി ജെപി വാങ്ങായെന്ന കോണ്‍ഗ്രസിന്റെ ആരോപണത്തിന് ശക്തമായ മറുപടിയായി ഗുജറാത്ത് മുഖ്യമന്ത്രി വിജയ് രൂപാണി. 25 കോടി രൂപയുണ്ടെങ്കില്‍ ഗുജറാത്തിലെ കോണ്‍ഗ്രസ് പാര്‍ട്ടിയെ മുഴുവന്‍ വാങ്ങാമെന്ന് ബി ജെ പി നേതാവ് കൂടിയായ വിജയ് രൂപാണി പറഞ്ഞു. അടുത്തമാസം മൂന്നിന് എട്ട് നിയമസഭ മണ്ഡലങ്ങളിലേക്ക് നടക്കുന്ന ഉപതിരഞ്ഞെടുപ്പിന്റെ ഭാഗായി സുരേന്ദ്രനഗറില്‍ നടന്ന റാലിയില്‍ പ്രസംഗിക്കുകയായിരുന്നു അദ്ദേഹം.മഹാത്മ ഗാന്ധിയുടെ ഒരു ആദര്‍ശവുമില്ലാതെയാണ് ഇന്നത്തെ കോണ്‍ഗ്രസ് പ്രവര്‍ത്തിക്കുന്നത്. മഹാത്മാ ഗാന്ധിയുടേതല്ല, […]

കോൺ​ഗ്രസിൽ നിന്ന് ബി.ജെ.പിയിൽ എത്തിയതിന് പിന്നാലെ വിശദീകരണവുമായി നടി ഖുശ്ബു സുന്ദർ. തമിഴ്നാട്ടിലെ ബിജെപി സംസ്ഥാന അദ്ധ്യക്ഷൻ മുരുകൻ പല തവണ നേരിൽ കണ്ടാണ് അവരുടെ രാഷ്ട്രീയം തന്നെ പറഞ്ഞു മനസ്സിലാക്കിയതെന്ന് ഖുശ്ബു പറഞ്ഞു. എന്നെ പറഞ്ഞു മനസ്സിലാക്കാൻ അവർ ക്ഷമ കാണിക്കുകയും അതിൽ വിജയിക്കുകയും ചെയ്തു. ഒരു അഭിമുഖത്തിലാണ് ഖുശ്ബു ഇക്കാര്യങ്ങൾ തുറന്നുപറഞ്ഞത്.

രാജ്യത്തെ പ്രതിദിന കോവിഡ് കണക്കുകളില്‍ രോഗമുക്തർ രോഗം ബാധിക്കുന്നവരെക്കാള്‍ അധികമാണ്. രോഗ ബാധിതരുടെ എണ്ണത്തില്‍ കുറവ് രേഖപ്പെടുത്തുന്നുണ്ടെങ്കിലും ജാഗ്രത തുടരണമെന്ന് സർക്കാർ പറഞ്ഞു. കോവിഡ് നിർദേശങ്ങള്‍ കർശനമായി പാലിക്കണമെന്നും വരുന്ന 3 മാസം നിർണായകമെന്നും ആരോഗ്യമന്ത്രാലയം ആവർത്തിച്ചു. പ്രതിദിന കണക്കുകളില്‍ രോഗമുക്തർ രോഗം ബാധിക്കുന്നവരെക്കാള്‍ അധികമാണ്. രോഗമുക്തി നിരക്ക് 91 ശതമാനത്തിനടുത്തെത്തി. രാജ്യത്ത് രോഗബാധിതർ 80 ലക്ഷം കടന്നെങ്കിലും 6 ലക്ഷത്തോളം പേരാണ് ചികിത്സയില് ഉള്ളത്.ആകെ മരണം 1,20,510 ആയി. പത്തര ലക്ഷം സാമ്പിളുകൾ ഇന്നലെ പരിശോധിച്ചു.അതേസമയം […]

കൊവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി കേന്ദ്രസര്‍ക്കാര്‍ പുറത്തിറക്കിയ ആരോഗ്യസേതു മൊബൈല്‍ ആപ്ലിക്കേഷന്‍ ആരാണ് നിര്‍മ്മിച്ചതെന്ന് കേന്ദ്ര വിവരാവകാശ കമ്മീഷണന്‍. ഇക്കാര്യം ആവശ്യപ്പെട്ട് കേന്ദ്രസര്‍ക്കാരിന് നോട്ടീസ് അയച്ചു. ആരോഗ്യസേതു ആപ്പ് ആരാണ് നിര്‍മ്മിച്ചതെന്ന ചോദ്യത്തിന് കേന്ദ്രസര്‍ക്കാര്‍ വ്യക്തമായ ഉത്തരം നല്‍കുന്നില്ലെന്ന് കേന്ദ്ര വിവരാവകാശ കമ്മീഷന്‍ ചൂണ്ടിക്കാട്ടി.ആരോഗ്യസേതു ആപ്പ് നിര്‍മ്മിച്ചതുമായി ബന്ധപ്പെട്ടുള്ള രേഖകള്‍ ലഭ്യമല്ല. വിവരങ്ങള്‍ നല്‍കാതിരിക്കുന്നത് ശരിയായ നടപടിയല്ലെന്നും വിവരാവകാശ കമ്മീഷന്‍ വ്യക്തമാക്കി.