Category: National

കൊവിഡ് പ്രതിസന്ധിയുടെ പശ്ചാത്തലത്തില്‍ കേന്ദ്രസര്‍ക്കാരിനെതിരെ ശക്തമായ വിമര്‍ശനങ്ങളുയര്‍ന്ന് കേള്‍ക്കുന്നതിനിടയിലാണ് കേരളം, തമിഴ്നാട്, ബംഗാള്‍, അസം എന്നീ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം വന്നിട്ടുള്ളത്. ഇതില്‍ കേരളവും തമിഴ്നാടും ബംഗാളും ബിജെപിക്ക് കനത്ത തിരിച്ചടിയാണ് സമ്മാനിച്ചിരിക്കുന്നത്. നിലവിലുണ്ടായിരുന്ന ഒരേയൊരു സീറ്റ് പോലും തിരിച്ചെടുത്തുകൊണ്ട് ബിജെപിയുടെ അക്കൗണ്ട് പൂട്ടിച്ച് കേരളം ശക്തമായ ബിജെപി വിരുദ്ധ വികാരമാണ് പ്രകടമാക്കിയത്. പരസ്യമായി ബിജെപി രാഷ്ട്രീയത്തെ വെല്ലുവിളിച്ച് പ്രചാരണം നടത്തിയ ഡിഎംകെ മുന്നണിയുടെ വമ്പിച്ച വിജയമാണ് തമിഴ്നാട്ടില്‍ കാണാനായത്.ഇക്കൂട്ടത്തില്‍ രാജ്യം ഏറ്റവുമധികം ചര്‍ച്ച ചെയ്യുന്നത് […]

കോവിഡ് രോഗികൾ ക്രമാതീതമായി വർധിച്ചതോടെ ഡൽഹിയിലെ ഗ്രീൻപാർക്ക് മസ്ജിദ് കോവിഡ് സെന്ററാക്കി മാറ്റി. മസ്ജിദിനകത്ത് രോഗികൾക്കായി പ്രത്യേകം ബെഡുകളും മരുന്നുകളും പിപിഇ കിറ്റുകളും സാനിറ്റൈസറുകളും ഒരുക്കിയിട്ടുണ്ട്. കോവിഡ് ബാധിച്ചവർ ഡോക്ടറുടെ കുറിപ്പടി കാണിച്ചാൽ മസ്ജിദിനകത്ത് പ്രവേശിക്കാം. രോഗികൾക്കുള്ള ഭക്ഷണവും ഇവിടെ നിന്നും ലഭിക്കും.ആശുപത്രികളും മറ്റ് ആരോഗ്യകേന്ദ്രങ്ങളും നിറഞ്ഞുകവിയുന്ന അവസ്ഥയിൽ വലിയ സാന്ത്വനമാണ് രാജ്യസ്ഥലത്തെ രോഗികൾക്കായി ഗ്രീൻപാർക്ക് മസ്ജിദ് നൽകുന്നത്. നിലവില്‍ 22 ശതമാനത്തിന് മുകളിലാണ് ഡല്‍ഹിയിലെ ടെസ്റ്റ് പോസിറ്റിവിറ്റി നിരക്ക്.

ഇനി നവജാത ശിശുക്കള്‍ക്കും ആധാര്‍ കാര്‍ഡ്. യുണിക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ(യുഐഡിഎഐ)യുടേതാണ് പുതിയ തീരുമാനം. നവജാത ശിശുക്കള്‍ക്കും ആധാര്‍ നല്‍കാന്‍ ഐഡന്റിറ്റിയും വിലാസവും തെളിയിക്കാനുള്ള പ്രധാന രേഖയായി മാറിയതും 12 അക്ക ആധാര്‍ നമ്പറിന് പ്രധാന്യംവര്‍ധിച്ചതോടെയുമാണ് ഈ സൗകര്യം ജനിച്ചയുടനെയുള്ള കുട്ടികള്‍ക്കും നല്‍കാന്‍ തീരുമാനിച്ചതെന്ന് അധികൃതര്‍ അറിയിക്കുന്നു. ബയോമെട്രിക് ഉള്‍പ്പെടുത്താതെയാകും നവജാത ശിശുക്കള്‍ക്ക് ആധാര്‍ കാര്‍ഡ് അനവദിക്കുക. രക്ഷാകര്‍ത്താക്കളുടെ ചിത്രമായിരിക്കും ബയോമെട്രിക് വിവരങ്ങള്‍ക്കായി ഉപയോഗിക്കുന്നത്. കുട്ടിക്ക് അഞ്ചുവയസ്സാകുമ്പോള്‍ പത്ത് വിരലുകളുടെ ബയോമെട്രിക് രേഖപ്പെടുത്താവുന്നതാണ്. കുട്ടികളുടെ ആധാര്‍കാര്‍ഡിനായി […]

ഇന്ത്യയിലെ എല്ലാ ജനങ്ങൾക്കും കോവിഡ് വാക്സിൻ സൗജന്യമായി നൽകണമെന്ന് ആവശ്യവുമായി കോൺ​ഗ്രസ് നേതാവ് രാഹുൽ ​ഗാന്ധി.‘ഫ്രീ’വാക്കിൻറെ അർത്ഥം ട്വീറ്റിൽ വിശദീകരിച്ച് കൊണ്ട് കേന്ദ്ര സർക്കാരിനെ പരിഹസിച്ചാണ് രാഹുൽ ഇക്കാര്യം ആവശ്യപ്പെട്ടത്.‘ഫ്രീ’ -നാമ വിശേഷണം, ക്രിയാ വിശേഷണം. സൗജന്യം, വില നൽകേണ്ടതില്ലാത്ത. ഉദാഹരണം -ഇന്ത്യക്ക്​ സൗജന്യ കോവിഡ്​ വാക്​സിൻ ലഭ്യമാക്കണം. എല്ലാ പൗരൻമാർക്കും കുത്തിവെയ്പ്പ്​ സൗജന്യമായി ലഭിക്കണം. അവ ലഭിക്കുമെന്ന്​ പ്രതീക്ഷിക്കാം’ -രാഹുൽ ഗാന്ധി ട്വീറ്റ്​ ചെയ്​തു.

വോട്ടെണ്ണൽ ദിനത്തിൽ നിയന്ത്രണങ്ങൾ കടുപ്പിച്ച് തെരഞ്ഞെടുപ്പ് കമ്മീഷൻ. വാക്സിൻ എടുക്കാതെയോ കോവിഡ് പരിശോധന നടത്താതെയോ വോട്ടെണ്ണലിന് ഹാജരാകരുതെന്നാണ് പുതിയ നിർദേശം. സ്ഥാനാർഥിക്കും ഏജന്‍റിനും കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി. ഏജന്‍റുമാരുടെ പട്ടിക സ്ഥാനാർഥികൾ നാളെ വൈകിട്ട് അഞ്ച് മണിയോടെ റിട്ടേണിങ് ഓഫീസർക്ക് കൈമാറണമെന്നും നിർദേശമുണ്ട്.വോട്ടെണ്ണാൻ വരുന്ന സ്ഥാനാ൪ഥിക്കും ഏജന്‍റിനും കോവിഡ് നെഗറ്റീവ് സ൪ട്ടിഫിക്കറ്റ് നി൪ബന്ധമാണെന്ന് അറിയിച്ച തെരഞ്ഞെടുപ്പ് കമ്മീഷൻ ആ൪.ടി.പി.സിആ൪ പരിശോധനക്ക് ജില്ലാ തെരഞ്ഞെടുപ്പ് ഓഫീസ൪ സംവിധാനമൊരുക്കണമെന്നും നിര്‍ദേശിച്ചു. വോട്ടെണ്ണൽ കേന്ദ്രത്തിന് പുറമെ കൂട്ടം കൂടുന്നതിനും വിലക്കുണ്ട്. […]

കൊവിഡ് മരണനിരക്ക് ഉയര്‍ന്നതോടെ മൃതദേഹങ്ങള്‍ സംസ്‌കരിക്കാന്‍ സ്ഥലമില്ലാതെ ദല്‍ഹി. പ്രതിദിനം മൂന്നൂറിലധികം പേരാണ് കഴിഞ്ഞ ദിവസങ്ങളിലായി കൊവിഡ് ബാധിച്ച് ദല്‍ഹിയില്‍ മരണപ്പെട്ടത്. മൃതദേഹങ്ങള്‍ സംസ്‌കരിക്കാന്‍ താല്‍ക്കാലിക കേന്ദ്രങ്ങളില്‍ സൗകര്യമൊരുക്കിയിട്ടുണ്ടെങ്കിലും മരണനിരക്ക് ഉയരുന്നത് ആശങ്കയുണ്ടാക്കുന്നുണ്ട്. തിങ്കളാഴ്ച മാത്രം കൊവിഡ് ബാധിച്ച് മരിച്ചത് 350 പേരാണ്. കഴിഞ്ഞദിവസം 357 പേരാണ് രോഗം ബാധിച്ച് മരിച്ചത്. ഏകദേശം 22 മൃതദേഹങ്ങള്‍ സംസ്‌കരിക്കാന്‍ മാത്രം ശേഷിയുള്ള ദല്‍ഹിയിലെ സരായ് കാലേ കാന്‍ ശ്മശാനത്തില്‍ തിങ്കളാഴ്ച മാത്രം സംസ്‌കരിച്ചത് 60 മുതല്‍ 70 മൃതദേഹങ്ങളാണ്. […]