Category: Wayanad

മാനന്തവാടി ബസ് സ്റ്റാൻഡിലെ ബാത്ത് റൂമിൽ കക്കൂസ് മാലിന്യങ്ങൾ നിറഞ്ഞ് കവിഞ്ഞ് ബസ്റ്റാൻഡ് പരിസരത്തേക്ക് ഒഴുകുന്നതിൽ മുൻസിപ്പാലിറ്റി നടപടി എടുക്കാത്താതിനെതിരെ ഡിവൈഎഫ്ഐ മാനന്തവാടി മേഖല കമ്മിറ്റിയുടെ നേതൃത്വത്തിൽ മുൻസിപ്പൽ സെക്രട്ടറി , ഡെപ്യൂട്ടി ചെയർപേഴ്സൺ എന്നിവരെ ഉപരോധിച്ചു. മേഖല സെക്രട്ടറി സിനാൻ, പ്രസിഡന്റ് നിരഞ്ജന, അനുഷ്ക , അഖിൽ , വി ആർ രാജേഷ് എന്നിവർ നേതൃത്വം നൽകി.നാളെ തന്നെ പ്രശ്നത്തിൽ നടപടി ഉണ്ടാവും എന്ന ഡെപ്യൂട്ടി ചെയർപേഴ്സന്റെ ഉറപ്പിലാണ് സമരം അവസാനിപ്പിച്ചത്.

കേന്ദ്ര കേരളാ വിഷ്‌കൃത പദ്ധതിയായ പഠ്‌ന ലിഖ്‌നാ അഭിയാന്റെ ജില്ലാ തല സംഘാടക സമിതി യോഗം ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ എം.മുഹമ്മദ് ബഷീര്‍ ഉദ്ഘാടനം ചെയ്തു. ജില്ലാ പഞ്ചായത്ത് ഹാളില്‍ ചേര്‍ന്ന യോഗത്തില്‍ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ജുനൈദ് കൈപ്പാണി അധ്യക്ഷത വഹിച്ചു. ജില്ലയിലെ പൊതു നിരക്ഷരരായവരില്‍ നിന്ന് 30,000 പേരെ സാക്ഷരരാക്കുന്നതാണ് പദ്ധതി. ജില്ലയിലെ എം.പിമാര്‍ രക്ഷാധികാരികളായും, ജില്ലാ പഞ്ചായത്ത് പ്രസിഡന്റ് ചെയര്‍മാനായും, വൈസ് പ്രസിഡന്റ് വൈസ് ചെയര്‍മാനായും, […]

ഭരണഘടന കരുതലും കാവലും എന്ന വിഷയത്തിൽ തൊണ്ടർനാട് പഞ്ചായത്ത് ലൈബ്രറി നേതൃസമിതിയുടെ ആഭിമുഖ്യത്തിൽ പുതുശ്ശേരി ജനത ഗ്രന്ഥലയത്തിൽ വെച്ച് സെമിനാർ സംഘടിപ്പിച്ചു. പരിപാടിപഞ്ചായത്ത്‌ പ്രസിഡന്റ്‌ അംബിക ഷാജി ഉദ്ഘാടനം ചെയ്തു.വാർഡ് മെമ്പർ സിനി തോമസ് അധ്യക്ഷത വഹിച്ചു. അഡ്വ.ജോഷി മുണ്ടക്കൽ വിഷയം അവതരിപ്പിച്ചു. കൺവീനർ ഹാരിസ് കെപി,മുകുന്ദൻ, രാജപ്പൻ, മുത്തലിബ്,പ്രേംജിത്ത്,ലൈബ്രറി സെക്രട്ടറി ബിനു എന്നിവർ സംസാരിച്ചു.ഗാന്ധി ജയന്തി ദിനത്തോടനുബന്ധിച്ച് നടത്തിയ പ്രച്ഛന്നവേഷ മത്സര വിജയികൾക്ക് ഉപഹാര സമർപ്പണവും നടത്തി.

മെഡിക്കൽ ലാബ് ഓണേഴ്സ് അസോസിയേഷൻ വയനാട് ജില്ല സമ്മേളനംപനമരം സെന്റ് ജൂഡ് ചർച്ച് പാരീഷ് ഹാളിൽ വെച്ച് നടന്നു. സംസ്ഥാന ട്രഷറർ ഗിരീശൻ നെടുങ്ങാടി ഉദ്ഘാടനം ചെയ്തു.ജില്ലാ പ്രസിഡന്റ് സോജി സിറിയക്ക് അധ്യക്ഷത വഹിച്ചു.സംസ്ഥാന വൈസ് പ്രസിഡന്റ് മോഹനൻ മുത്തോന,സെക്രട്ടറി പ്രതാപ് വാസു, ട്രഷറർ അനീഷ് ആന്റണി, വിജയൻ പി എസ് മൈക്കിൾ വിജെ,ലൂസി തുടങ്ങിയവർ പ്രസംഗിച്ചു .പുതിയ പ്രസിഡന്റായി വിജയൻ പി.എസ്,സെക്രട്ടറിയായി പ്രതാപ് വാസുട്രഷററായി അനീഷ് ആന്റണി എന്നിവരെ തിരഞ്ഞെടുത്തു

സംസ്ഥാനത്തെ റോഡ് അറ്റകുറ്റപ്പണികള്‍ക്ക് 119 കോടി അനുവദിച്ചതായി പൊതുമരാമത്ത് വകുപ്പ് മന്ത്രി മുഹമ്മദ് റിയാസ്. മഴ കഴിഞ്ഞാല്‍ ഉടന്‍ റോഡ് പണി ആരംഭിക്കുമെന്ന് മന്ത്രി അറിയിച്ചു. പണി കഴിഞ്ഞാലും കരാറുകാരന് ഒഴിഞ്ഞ് മാറാനാവില്ല. അറ്റകുറ്റപ്പണികള്‍ക്ക് ശേഷവും പരിപാലന കാലയളവില്‍ റോഡിലുണ്ടാകുന്ന എല്ലാ തകരാറുകളും അവര്‍ തന്നെ പരിഹരിക്കണം എന്നും മന്ത്രി വ്യക്തമാക്കി. കാലാവധി കഴിഞ്ഞ റോഡുകള്‍ക്ക് റണ്ണിംഗ് കോണ്‍ട്രാക്ട് നല്‍കാനാണ് തീരുമാനം. ഭാവിയില്‍ നന്നായി റോഡ് പ്രശ്നങ്ങള്‍ പരിഹരിക്കാന്‍ സാധിക്കുമെന്ന് മന്ത്രി പറഞ്ഞു. ജല അതോറിറ്റി കുത്തിപ്പൊളിക്കുന്ന […]

ജില്ലയിലെ വികസന പദ്ധതികളുടെ നിര്‍വ്വഹണവും അനുവദിക്കപ്പെട്ട ഫണ്ടുകളുടെ വിനിയോഗവും സമയബന്ധിതമായി പൂര്‍ത്തിയാക്കണമെന്ന് ജില്ലാ വികസന സമിതി യോഗം നിര്‍ദ്ദേശിച്ചു. ജില്ലാ ആസൂത്രണ ഭവനിലെ എ.പി.ജെ ഹാളില്‍ ചേര്‍ന്ന യോഗത്തില്‍ വിവിധ വകുപ്പുകളുടെ പദ്ധതി നിര്‍വ്വഹണ പുരോഗതി അവലോകനത്തിലാണ് സമിതി ചെയര്‍പെഴ്സണായ ജില്ലാ കലക്ടര്‍ എ. ഗീത ബന്ധപ്പെട്ട വകുപ്പുതല ഉദ്യോഗസ്ഥര്‍ക്ക് നിര്‍ദ്ദേശം നല്‍കിയത്. സാമ്പത്തിക വര്‍ഷത്തില്‍ അവശേഷിക്കുന്ന സമയം പരമാവധി ഉപയോഗപ്പെടുത്തണമെന്നും ആവശ്യപ്പെട്ടു. പ്ലാന്‍ ഫണ്ട്, എം.എല്‍.എ ഫണ്ട് തുടങ്ങിയവയുടെ നിര്‍വ്വഹണ പുരോഗതിയാണ് യോഗം വിലയിരുത്തിയത്. യോഗത്തില്‍ […]

ജില്ലയിലെ സര്‍ക്കാര്‍ ആശുപത്രികളിലെ ഒ.പികള്‍ നിശ്ചയിച്ച സമയം വരെ പൂര്‍ണ്ണമായും പ്രവര്‍ത്തിക്കുന്നുണ്ടെന്ന് ഉറപ്പാക്കണമെന്ന് ജില്ലാ വികസന സമിതി യോഗം നിര്‍ദ്ദേശിച്ചു. ജില്ലാ ആശുപത്രി മെഡിക്കല്‍ കോളേജായി ഉയര്‍ത്തിയ സാഹചര്യത്തില്‍ നിലവിലുളള സൗകര്യങ്ങള്‍ പൊതുജനങ്ങള്‍ക്ക് പൂര്‍ണ്ണമായ രീതിയില്‍ ലഭ്യമാകണം. ഇക്കാര്യം ഡി.എം.ഒ ഉറപ്പ് വരുത്തണമെന്നും യോഗം ആവശ്യപ്പെട്ടു. ജില്ലയിലെ എല്ലാ സര്‍ക്കാര്‍ ആരോഗ്യ സ്ഥാപനങ്ങള്‍ക്കും നിശ്ചയിച്ച സമയം വരെ ഒ.പി പ്രവര്‍ത്തിപ്പിക്കുന്നതിന് നിര്‍ദ്ദേശം നല്‍കിയിട്ടുണ്ടെന്ന് ഡി.എം.ഒ അറിയിച്ചു. കല്‍പ്പറ്റ ജനറല്‍ ആശുപത്രില്‍ പ്രവര്‍ത്തനം നിലച്ച ഐ.സി.യു സംവിധാനം പുനാരംഭിക്കുന്നതിന് […]

ജില്ലയിലെ പ്രധാന ടൂറിസം കേന്ദ്രങ്ങളായ ബാണാസുര സാഗര്‍, കാരാപ്പുഴ, പ്രിയദര്‍ശിനി എസ്റ്റേറ്റ് എന്നിവിടങ്ങളിലെ സമഗ്ര വികസനത്തിന് ഊന്നല്‍ നല്‍കുന്ന പദ്ധതി നിര്‍ദ്ദേശങ്ങള്‍ സമര്‍പ്പിക്കാന്‍ ടൂറിസം വകുപ്പ് അഡീഷണല്‍ ചീഫ് സെക്രട്ടി ഡോ.വി. വേണു നിര്‍ദ്ദേശിച്ചു. വയനാട് ജില്ലയിലെ ടൂറിസം വികസന പദ്ധതികള്‍ അവലോകനം ചെയ്യുന്നതിനായി കലക്ടറേറ്റില്‍ വിളിച്ചു ചേര്‍ത്ത യോഗത്തിലാണ് ഇത് സംബന്ധിച്ച് നിര്‍ദ്ദേശം നല്‍കിയത്. ജില്ലയിലേക്കുള്ള സഞ്ചാരികളുടെ ഒഴുക്കില്‍ പ്രധാന നരഗങ്ങള്‍ വീര്‍പ്പു മുട്ടുന്ന അവസ്ഥയാണെന്നും ബാണാസുരയിലും കാരാപ്പുഴയിലും പ്രിയദര്‍ശിനിയിലും കൂടുതല്‍ സൗകര്യങ്ങള്‍ ഒരുക്കുന്നത് നഗരങ്ങളിലെ […]