Category: General

മന്ത്രി കെടി ജലീലിനെ ഇനി ചോദ്യം ചെയ്യില്ലെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. സ്വര്‍ണക്കടത്ത് കേസിലല്ല മന്ത്രി കെ ടി ജലീലിന്റെ മൊഴിയെടുത്തത്. സ്വത്തം വിവരം സംബന്ധിച്ച പരാതിയിലാണ് മൊഴിയെടുത്തതെന്നും ഇഡി അറിയിച്ചു .മന്ത്രി കെ ടി ജലീലിന് സ്വര്‍ണക്കടത്ത് കേസുമായി ബന്ധമില്ലെന്ന് ഇഡി വ്യക്തമാക്കി.ഖുറാന്‍ കൊണ്ടുവന്നതില്‍ അവ്യക്തതയില്ല. യുഎഇയില്‍ നിന്നും കൊണ്ടുവന്നത് ഖുറാന്‍ മാത്രമായിരുന്നുവെന്നും ഇഡി വ്യക്തമാക്കി. ഖുറാന്‍ എവിടെയാണ് ഉള്ളതെന്ന് പരിശോധിച്ചിട്ടുണ്ടെന്നാണ് എന്‍ഫോഴ്‌സ്‌മെന്റ് ഡയറക്ടറേറ്റു വൃത്തങ്ങൾ വ്യക്തമാക്കി.

കഴിഞ്ഞ 24 മണിക്കൂറിനിടെ രാജ്യത്ത് 83,809 പേർക്കാണ് കോവിഡ് രോ​ഗബാധ സ്ഥിരീകരിച്ചത്. ഇതോടെ കോവിഡ് രോ​ഗം സ്ഥിരീകരിച്ചവുരുടെ എണ്ണം 49,30,236 ആയി ഉയർന്നു.കോവിഡ് മരണ സംഖ്യയും ഓരോ ദിവസവും ഉയരുകയാണ്. ഒരു ദിവസം ആയിരത്തിൽ കൂടുതൽ ആളുകളാണ് രാജ്യത്ത് കോവിഡ് മൂലം മരിക്കുന്നത്. ഇന്നലെ മാത്രം 1054 പേരാണ് രാജ്യത്ത് കോവിഡ് മൂലം മരിച്ചത്. ഇതോടെ മരിച്ചവരുടെ എണ്ണം 80,776 ആയി ഉയർന്നു.

മാനന്തവാടി:സഹോദരങ്ങളുടെ കരവിരുതില്‍ ധന്യമായി എടവക പാണ്ടിക്കടവിലെ കോമ്പി ഹൗസ്.അക്രലിക്ക്,ഓയില്‍ പെയിന്റുകൊണ്ടുള്ള ഷാ ബിറയുടെയും ഷബ്‌നയുടെയും ചിത്ര പണികള്‍ അത്രയ്ക്കും മനോഹരങ്ങളാണ് സമ്മാനിക്കുന്നത്.ബിടെക്ക് ബിരുദധാരികളായ ഷാബിറയും സഹോദരി ഷബ്‌നയും വരച്ച് കൂട്ടുന്നത് പ്രകൃതി ഭംഗികളായ നിരവധി വര്‍ണ്ണ കൂട്ടുകളാണ്. പ്രകൃതി ദൃശ്വങ്ങള്‍,സൂര്യാസ്തമയവും,ഉദയവും,വെള്ളച്ചാട്ടംതുടങ്ങിയവ കാഴ്ചക്കാര്‍ക്ക് കണ്ണിനിമ്പമേകുന്ന നിരവധി ചിത്രങ്ങളാണ്.

കൽപ്പറ്റഃ ഇന്ന് ഗ്രന്ഥശാല ദിനം. കേരളത്തിന്റെ സാംസ്‌കാരിക മണ്ഡലത്തെ പ്രോജ്വലിപ്പിച്ച ഗ്രന്ഥശാല പ്രസ്ഥാനത്തിന് 76 വയസ്. ഗ്രന്ഥശാല സംഘത്തിന്റെ പിറന്നാൾ വയനാട്ടിൽ സമുചിതമായി ആചരിച്ചു. കോവിഡ് മാനദണ്ഡങ്ങൾ പാലിച്ചു അക്ഷര സ്നേഹികൾ ഗ്രന്ഥശാലയിൽ ഒത്തുകൂടി. പതാക ഉയർത്തി. അക്ഷര ദീപം തെളിയിച്ചു. പുസ്തക ചർച്ചകൾ നടത്തി. മഹാമാരിയുടെ കാലത്തും ഗ്രന്ഥശാലകളെ നാടിന്റെ വിളക്കായി മാറ്റിയ ഗ്രന്ഥശാല ദിനാചരണതിൽ ജില്ലാ ലൈബ്രറിയിൽ, വയനാട് ജില്ലാ ലൈബ്രറി കൗൺസിൽ സെക്രട്ടറി പി. കെ. സുധീർ പതാക ഉയർത്തി. സി. എം. […]

കൽപ്പറ്റഃ വയനാട് ജില്ലാ ലൈബ്രറി കൗണ്‍സിലിന്റേയും ജില്ലാ ലൈബ്രറിയുടേയും വെബ്‌സൈറ്റ് ആരംഭിച്ചു. ജില്ലയിലെ ഗ്രന്ഥശാലകളെ സംബന്ധിച്ചുള്ള വിവരങ്ങള്‍, പദ്ധതി പദ്ധതിയേര പരിപാടികളെ കുറിച്ചുള്ള അറിയിപ്പുകള്‍, ഫോമുകള്‍ തുടങ്ങിയവ അടങ്ങുന്നതാണ് വെബ്‌സൈറ്റ്. വെബ്‌സൈറ്റിന്റെ സ്വിച്ച് ഓണ്‍ കര്‍മ്മം കല്‍പ്പറ്റ എം എല്‍ എ സി കെ ശശീന്ദ്രന്‍ നിര്‍വ്വഹിച്ചു. ജില്ലാ ലൈബ്രറി കൗണ്‍സില്‍ പ്രസിഡന്റ് ടി ബി സുരേഷ് അധ്യക്ഷത വഹിച്ച ചടങ്ങില്‍ ജില്ലാ ലൈബ്രറി കൗണ്‍സില്‍ സെക്രട്ടറി പി കെ സുധീര്‍ സ്വാഗതവും ജോയിന്റ് സെക്രട്ടറി പി […]

വെള്ളമുണ്ടഃ കർഷക ദ്രോഹവും ജനവിരുദ്ധവുമായ ഓർഡിനൻസുകൾ കൊണ്ടു വരുന്ന കേന്ദ്ര സർക്കാർ നയത്തിനെതിരെ കിസാൻ സംഘർഷ് കോ -ഓർഡിനേഷൻ സമിതിയുടെ നേതൃത്വത്തിൽ ദേശവ്യാപകമായി ഇന്ന് പ്രതിഷേധ സമരം നടത്തി.മൂന്ന് ഓർഡിനൻസുകളാണ് കോവിഡിന്റെ മറവിൽ കേന്ദ്ര സർക്കാർ പുറപ്പെടുവിച്ചത്. ഭക്ഷ്യ സുരക്ഷ ഉറപ്പാക്കുന്നതിന് സഹായകമായ അവശ്യ വസ്തു സംരക്ഷണ നിയമമാണ് ഭേദഗതി ചെയ്തത്. വൻകിട ഭൂവുടമകൾക്കും വിദേശ ഏജൻസികൾ ഉൾപ്പെടെയുള്ള കോർപ്പറേറ്റുകൾക്ക് അനുകൂലമായി ഭൂവിനിയോഗം,വിള സംഭണം, കാർഷിക വ്യാപാരം എന്നിവയിൽ പൂർണ്ണ സ്വാതന്ത്ര്യം നൽകുന്നതാണ് മറ്റ് രണ്ട് ഓർഡിനൻസുകൾ […]

പള്ളിക്കൽ: അംഗൻവാടി കെട്ടിട അവകാശവാദത്തിൽ പള്ളിക്കൽ പഞ്ചായത്തിൽ കെട്ടിടത്തിന്തറക്കല്ലിടൽ നടന്നത് രണ്ടുതവണ. 20ാം വാർഡിൽ പുന്നൊടിയിൽ അംഗൻവാടിയുടെ ശിലാസ്ഥാപന കർമമാണ് രണ്ടുതവണ നടന്നത്.ബ്ലോക്ക് പഞ്ചായത്ത് 12 ലക്ഷം രൂപ വകയിരുത്തി നിർമിക്കുന്ന അംഗൻവാടിക്ക് ഇടതുപക്ഷവാർഡ് അംഗത്തിന്റെ നേതൃത്വത്തിൽ പ്രസിഡന്റ് പി. മിഥുന കഴിഞ്ഞ വെള്ളിയാഴ്ച ശിലയിട്ടിരുന്നു. മുസ്ലിം ലീഗ് അംഗമായ കൊണ്ടോട്ടിബ്ലോക്ക് പഞ്ചായത്ത് അംഗം എ.പി. ജമീല ഞായറാഴ്ചയും ഇതേ കെട്ടിടത്തിന് തറക്കല്ലിട്ടു.ഏതായാലും ഇനി ആരും തറക്കല്ലിടൽ കർമ്മത്തിന് ഉണ്ടാവില്ല എന്നാണ് നാട്ടുകാരുടെ പ്രതീക്ഷ

കക്ഷി രാഷ്ട്രീയ വഴക്കുകളിലേക്ക് മതവിശ്വാസത്തെയും വിശുദ്ധഗ്രന്ഥത്തെയും വലിച്ചിഴക്കുന്നത് അപക്വവും അപകടകരവുമാണെന്ന് എസ് വൈ എസ് സംസ്ഥാന സെക്രട്ടേറിയറ്റ് പറഞ്ഞു. സ്വര്‍ണക്കടത്തുകേസില്‍ സമഗ്രമായ അന്വേഷണം നടന്നുകൊണ്ടിരിക്കുകയാണ്. സത്യം പുറത്തുവരികയും കുറ്റക്കാര്‍ ശിക്ഷിക്കപ്പെടുകയും ചെയ്യണം. അതിന് കാത്തിരിക്കാതെ തര്‍ക്കവും വാഗ്വാദവുമുണ്ടാക്കി, സൗഹൃദരാജ്യത്തെപ്പോലും പ്രതിസ്ഥാനത്ത് നിര്‍ത്തുന്ന രാഷ്ട്രീയ, മാധ്യമ വിചാരണകളിലേക്കും വര്‍ഗീയ ധ്രുവീകരണങ്ങളിലേക്കും കാര്യങ്ങള്‍ എത്തിക്കുന്നത് ഭൂഷണമല്ല. അവധാനതയോടെ വിഷയത്തെ സമീപിക്കാന്‍ ഭരണ- പ്രതിപക്ഷങ്ങള്‍ക്കും മാധ്യമങ്ങള്‍ക്കും ബാധ്യതയുണ്ട്. കക്ഷി രാഷ്ട്രീയ താത്പര്യങ്ങള്‍ക്ക് വേണ്ടി മാത്രം എന്തും വിളിച്ചു പറഞ്ഞും ദുരുപദിഷ്ടമായ ആരോപണങ്ങള്‍ […]