Author: Anwar Sadiq

തൃശ്ശൂർ കൊടകരയിൽ വൻ കഞ്ചാവ് വേട്ട. അഞ്ച് കോടി വില വരുന്ന 460 കിലോഗ്രാം കഞ്ചാവാണ് പിടികൂടിയത്. മൂന്ന് പേരെ സംഭവത്തിൽ പോലീസ് കസ്റ്റഡിയിലെടുത്തു. ലോറിയിൽ കടലാസ് കെട്ടുകൾക്കിടയിലാക്കി കഞ്ചാവ് കടത്തുന്നതിനിടെയാണ് ഇത് പിടികൂടിയത് കൊടുങ്ങല്ലൂർ സ്വദേശി ലുലു, വടക്കാഞ്ചേരി സ്വദേശി ഷാഹിൻ, പൊന്നാനി സ്വദേശി സലീം എന്നിവരാണ് അറസ്റ്റിലായത്. എവിടെ നിന്നാണ് കഞ്ചാവ് എത്തിച്ചതെന്നതടക്കമുള്ള കാര്യങ്ങൾ പ്രതികളെ ചോദ്യം ചെയ്തതിന് ശേഷമേ പറയാനാകൂവെന്ന് പോലീസ് പറഞ്ഞു.

കണ്ണൂർ ആറളം ഫാമിൽ കാട്ടാനയുടെ ചവിട്ടേറ്റ് ഒരാൾ മരിച്ചു. കള്ളുചെത്ത് തൊഴിലാളിയായ റിജേഷിനെയാണ് കാട്ടാന ചവിട്ടിക്കൊന്നത്. മട്ടന്നൂർ കൊളപ്പ സ്വദേശിയാണ് റിജേഷ്. പുലർച്ചെ കള്ള് ചെത്താനെത്തിയ റിജേഷിനെ കാട്ടാന ആക്രമിക്കുകയായിരുന്നു. ഓടി രക്ഷപ്പെടാൻ ശ്രമിച്ചെങ്കിലും സാധിച്ചില്ല. ഒറ്റയാനാണ് റിജേഷിനെ ആക്രമിച്ചതെന്നാണ് വിവരം. റിജേഷ് സംഭവസ്ഥലത്ത് വെച്ച് തന്നെ മരിച്ചു.

വൈദ്യുതി നിരക്ക് വർധന ആവശ്യമെന്ന് മന്ത്രി കെ കൃഷ്ണൻകുട്ടി. നിരക്ക് ചെറിയ തോതിലെങ്കിലും വർധിപ്പിക്കാതെ മുന്നോട്ടുപോകാനാകില്ല. ജീവനക്കാർക്ക് ശമ്പളമടക്കം നൽകേണ്ടതുണ്ട്. കെ എസ് ഇ ബിയുടെ നിലനിൽപ്പ് കൂടി നോക്കണം. നിരക്ക് വർധനയിൽ അന്തിമ തീരുമാനം മുഖ്യമന്ത്രി വന്നതിന് ശേഷമായിരിക്കുമെന്നും മന്ത്രി പറഞ്ഞു.കൂടുതൽ ജലവൈദ്യുത പദ്ധതികൾ നടപ്പാക്കും. അഞ്ച് പദ്ധതികൾ ഇക്കൊല്ലമുണ്ടാകും. അതേസമയം അതിരപ്പിള്ളി പോലുള്ള വിവാദ പദ്ധതികൾ തത്കാലമില്ലെന്നും മന്ത്രി പറഞ്ഞു. വൈദ്യുതി നിരക്ക് പുതുക്കി നിശ്ചയിക്കുന്നത് സംബന്ധിച്ച് കെ എസ് ഇ ബി തയ്യാറാക്കിയ […]

പനമരം :രാഷ്ട്രപിതാവ് മഹാത്മാ ഗാന്ധിയുടെ എഴുപത്തി അഞ്ചാമത് രക്ഷസാക്ഷിത്വ ദിനത്തോടനുബന്ധിച്ച് പനമരം സ്റ്റുഡന്റ് പോലീസിന്റെ ആഭിമുഖ്യത്തിൽ “ഇന്നത്തെ സമൂഹത്തിൽ ഗാന്ധി ചിന്തകളുടെ പ്രസക്തി ” എന്ന വിഷയത്തിൽ ശ്രീമതി രജിത കെ.ആർ വെബിനാർ മീറ്റിലൂടെ ക്ലാസെടുത്തു. കമ്യൂണിറ്റി പോലീസ് ഓഫീസർമാരായ രേഖ കെ, നവാസ് ടി എന്നിവർ പങ്കെടുത്തു.

കൽപ്പറ്റ:ദേശീയ വിനോദ സഞ്ചാര ദിനത്തോടനുബന്ധിച്ച് ജില്ലാ ടൂറിസം പ്രമോഷൻ കൗൺസിലിന്റെ നേതൃത്വത്തിൽ ജില്ലയിലെ പ്രധാന വിനോദ സഞ്ചാര കേന്ദ്രങ്ങൾ ശുചീകരിച്ചു.റിപ്പൺ പൾസ് എമർജൻസി യൂണിറ്റിന്റെ സഹകരണത്തോടെ കാന്തൻപാറ വെള്ളച്ചാട്ടവും പരിസരവും ശുചീകരിച്ചു. കേന്ദ്രം മാനേജർ എം. എസ് ദിനേശൻ ഉദ്ഘാടനം ചെയ്തു . പൾസ് എമർജൻസി റിപ്പൺ യൂണിറ്റിലെ അബ്ദുൽ അസീസ്, നാസർ , ഡി.റ്റി.പി.സി ജിവനക്കാരൻ ജോമോൻ എന്നിവർ നേതൃത്വം നൽകി. കാന്തൻ പറയ്ക്ക് പുറമെ ഡി.ടി.പി.സിയുടെ നേതൃത്വത്തിൽ കർളാട് തടാകം ചീങ്ങേരി സഹാസിക ടൂറിസം […]

കോഴിക്കോട് കോടഞ്ചേരി ടൗണിൽ വൈക്കോൽ ലോറിക്ക് തീപിടിച്ചു. ഡ്രൈവറുടെ സംയോജിത ഇടപെടൽ കാരണം വൻ ദുരന്തം ഒഴിവായി. ലോറി റോഡരികിലെ ഗ്രൗണ്ടിലേക്ക് ഓടിച്ചു കയറ്റിയാണ് ഡ്രൈവർ അപകടം ഒഴിവാക്കിയത്.ഉച്ചക്ക് ഒരു മണിയോടെയാണ് അപകടം നടന്നത്. കണ്ണോത്ത് ഭാഗത്തുനിന്നും വന്ന വൈക്കോൽ നിറച്ച ലോറിയിൽ നിന്ന് പുക ഉയരുന്നത് ഡ്രൈവറാണ് ആദ്യം കണ്ടത്. ഉടൻ കോടഞ്ചേരി ടൗണിലെ റോഡരികിലുള്ള ഗ്രൗണ്ടിലേക്ക് ലോറി ഓടിച്ചു കയറ്റി. ഈ സമയം വൈക്കോൽ കത്തി തുടങ്ങിയിരുന്നു. പാർക്ക് ചെയ്ത് ഡ്രൈവർ ഇറങ്ങിയ ഉടൻ […]

ഫീസടയ്ക്കാന്‍ കഴിയാത്തതില്‍ മനംനൊന്ത് യുവതി ആത്മഹത്യ ചെയ്തു.പാലക്കാട് എംഇഎസ് കോളേജിലെ മൂന്നാം വര്‍ഷ ബികോം വിദ്യാര്‍ഥിനിയാണ് ബീന .ഫീസടയ്ക്കാന്‍ കഴിയാത്തതില്‍ മനംനൊന്താണ് ബീന ആത്മഹത്യ ചെയ്തതെന്ന് സഹോദരന്‍ ബിജു പറഞ്ഞുബീനയുടെ അമ്മ ഇന്നലെ ഫീസടയ്ക്കാന്‍ കോളേജിലെത്തിയപ്പോള്‍ അധികൃതര്‍ ഫീസെടുത്തില്ലെന്നും. യൂണിവേഴ്‌സിറ്റിയെ സമീപിക്കാനും കോളേജ് അധികൃതര്‍ പറഞ്ഞതായി സഹോദരന്‍ പറഞ്ഞു. പരീക്ഷ എഴുതാനാവില്ലെന്ന മനോവിഷമത്തിലാണ് സഹോദരി തൂങ്ങി മരിച്ചതെന്നും ബിജു പറഞ്ഞു.