ഭക്ഷ്യസാധനങ്ങൾക്കു നിശ്ചയിച്ചിട്ടുള്ള വിലയേക്കാൾ കൂടുതൽ ഈടാക്കുന്നുണ്ടോ എന്നും അളവിൽ കുറച്ചു സാധനങ്ങൾ വിൽക്കുന്നുണ്ടോ എന്നും പരിശോധിക്കുന്നതിനായി ജില്ലാതലത്തിൽ ലീഗൽ മെട്രോളജി സ്‌ക്വാഡുകൾ രൂപീകരിക്കാൻ ഭക്ഷ്യ – സിവിൽ സപ്ലൈസ് മന്ത്രി ജി.ആർ. അനിൽ നിർദേശം നൽകി. കരിഞ്ചന്തയും പൂഴ്ത്തിവയ്പ്പും തടയുന്നതിന്റെ ഭാഗമായാണു നടപടി. ഈ സർക്കാർ അധികാരത്തിലെത്തിയ ശേഷം സംസ്ഥാനത്ത് 1,25,978 പുതിയ റേഷൻ കാർഡുകൾ നൽകിയതായി മന്ത്രി വാർത്താ സമ്മേളനത്തിൽ അറിയിച്ചു.

സംസ്ഥാനത്ത് വിവാഹങ്ങൾ രജിസ്റ്റർ ചെയ്യാൻ വിവാഹിതരുടെ മതം തെളിയിക്കുന്ന രേഖയോ, മതാചാര പ്രകാരമാണ് വിവാഹം നടന്നതെന്ന രേഖയോ ആവശ്യമില്ലെന്നും വിവാഹ രജിസ്ട്രേഷനുള്ള മെമ്മോറാണ്ടത്തിനൊപ്പം വിവാഹം ചെയ്യുന്നവരുടെ ജനനതീയതി തെളിയിക്കുന്ന അംഗീകൃത രേഖകളും വിവാഹം നടന്നത് തെളിയിക്കുന്ന രേഖയും മതിയെന്ന് തദ്ദേശ സ്വയംഭരണ, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ പറഞ്ഞു.2008ലെ വിവാഹ രജിസ്ട്രേഷൻ ചട്ടങ്ങൾ പ്രകാരം എല്ലാ വിവാഹങ്ങളും കക്ഷികളുടെ മതഭേദമന്യേ നിർബന്ധമായും രജിസ്റ്റർ ചെയ്യണമെന്ന് നിഷ്‌കർഷിച്ചിരുന്നു. എന്നാൽ, 2015ൽ ചട്ടത്തിൽ ഭേദഗതി വരുത്തി. […]

തരിയോട് :ജിഎച്ച്എസ്എസ് തരിയോട് ഗോത്രവർഗ്ഗ വിദ്യാർത്ഥികൾക്കുള്ള വിദ്യാകിരണം പദ്ധതിയുടെ ഭാഗമായി 202 ലാപ്ടോപ്പ് വിതരണം ചെയ്തു. മുഹമ്മദ് ബഷീർ ഉദ്ഘാടനം നിർവഹിച്ചു. തരിയോട് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഷമീം പാറക്കണ്ടി അധ്യക്ഷത വഹിച്ചു.വാർഡ് മെമ്പർ വിജയൻ തോട്ടുങ്കൽ, പിടിഎ പ്രസിഡണ്ട് ശിവാനന്ദൻ ,പ്രിൻസിപ്പൽ വാസു .എച്ച്എം ടെസ്സി മാത്യു, മുസ്തഫ,മുനീർ,രാജേന്ദ്രൻ,ഷാജു എന്നിവർ സംസാരിച്ചു.

കേന്ദ്ര കേരളാ വിഷ്‌കൃത പദ്ധതിയായ പഠ്‌ന ലിഖ്‌നാ അഭിയാന്റെ ജില്ലാ തല സംഘാടക സമിതി യോഗം ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ എം.മുഹമ്മദ് ബഷീര്‍ ഉദ്ഘാടനം ചെയ്തു. ജില്ലാ പഞ്ചായത്ത് ഹാളില്‍ ചേര്‍ന്ന യോഗത്തില്‍ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ജുനൈദ് കൈപ്പാണി അധ്യക്ഷത വഹിച്ചു. ജില്ലയിലെ പൊതു നിരക്ഷരരായവരില്‍ നിന്ന് 30,000 പേരെ സാക്ഷരരാക്കുന്നതാണ് പദ്ധതി. ജില്ലയിലെ എം.പിമാര്‍ രക്ഷാധികാരികളായും, ജില്ലാ പഞ്ചായത്ത് പ്രസിഡന്റ് ചെയര്‍മാനായും, വൈസ് പ്രസിഡന്റ് വൈസ് ചെയര്‍മാനായും, […]

ഭരണഘടന കരുതലും കാവലും എന്ന വിഷയത്തിൽ തൊണ്ടർനാട് പഞ്ചായത്ത് ലൈബ്രറി നേതൃസമിതിയുടെ ആഭിമുഖ്യത്തിൽ പുതുശ്ശേരി ജനത ഗ്രന്ഥലയത്തിൽ വെച്ച് സെമിനാർ സംഘടിപ്പിച്ചു. പരിപാടിപഞ്ചായത്ത്‌ പ്രസിഡന്റ്‌ അംബിക ഷാജി ഉദ്ഘാടനം ചെയ്തു.വാർഡ് മെമ്പർ സിനി തോമസ് അധ്യക്ഷത വഹിച്ചു. അഡ്വ.ജോഷി മുണ്ടക്കൽ വിഷയം അവതരിപ്പിച്ചു. കൺവീനർ ഹാരിസ് കെപി,മുകുന്ദൻ, രാജപ്പൻ, മുത്തലിബ്,പ്രേംജിത്ത്,ലൈബ്രറി സെക്രട്ടറി ബിനു എന്നിവർ സംസാരിച്ചു.ഗാന്ധി ജയന്തി ദിനത്തോടനുബന്ധിച്ച് നടത്തിയ പ്രച്ഛന്നവേഷ മത്സര വിജയികൾക്ക് ഉപഹാര സമർപ്പണവും നടത്തി.

മെഡിക്കൽ ലാബ് ഓണേഴ്സ് അസോസിയേഷൻ വയനാട് ജില്ല സമ്മേളനംപനമരം സെന്റ് ജൂഡ് ചർച്ച് പാരീഷ് ഹാളിൽ വെച്ച് നടന്നു. സംസ്ഥാന ട്രഷറർ ഗിരീശൻ നെടുങ്ങാടി ഉദ്ഘാടനം ചെയ്തു.ജില്ലാ പ്രസിഡന്റ് സോജി സിറിയക്ക് അധ്യക്ഷത വഹിച്ചു.സംസ്ഥാന വൈസ് പ്രസിഡന്റ് മോഹനൻ മുത്തോന,സെക്രട്ടറി പ്രതാപ് വാസു, ട്രഷറർ അനീഷ് ആന്റണി, വിജയൻ പി എസ് മൈക്കിൾ വിജെ,ലൂസി തുടങ്ങിയവർ പ്രസംഗിച്ചു .പുതിയ പ്രസിഡന്റായി വിജയൻ പി.എസ്,സെക്രട്ടറിയായി പ്രതാപ് വാസുട്രഷററായി അനീഷ് ആന്റണി എന്നിവരെ തിരഞ്ഞെടുത്തു