Author: Wide Live Desk

തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീന്‍റെ ഓഫീസിലെ എട്ട് ജീവനക്കാർക്ക് കോവിഡ് സ്ഥിരീകരിച്ചു. ഇന്ന് നടത്തിയ പരിശോധനയിലാണ് രോഗബാധ കണ്ടെത്തിയത്. ഇതേ തുടർന്ന് സെക്രട്ടേറിയറ്റ് അനകസ് 1 ലെ അഞ്ചാം നില അടച്ചു. എട്ടു പേർക്ക് രോഗം സ്ഥിരീകരിച്ച സാഹചര്യത്തിൽ മന്ത്രിയും ഓഫീസിലെ മറ്റ് ജീവനക്കാരും നിരീക്ഷണത്തിൽ പോയി. മന്ത്രിക്ക് കോവിഡ് ടെസ്റ്റ് നടത്തും.

ഏറ്റവും ഉയര്‍ന്ന നിലവാരമായ 42,000 രൂപയില്‍ നിന്ന് കുറഞ്ഞ് ഒടുവില്‍ പവന്റെ വില 38,000 രൂപയിലെത്തി. 18 ദിവസം കൊണ്ട് 4000 രൂപയാണ് കുറഞ്ഞത്.

കല്പറ്റഃ മലബാർ വന്യജീവി സങ്കേതത്തിൽ ഉൾപ്പെടുത്തി വൈത്തിരി ,കുന്നത്തിടവക, അച്ചൂരാനം, തരിയോട് പൊഴുതന വില്ലേജുകൾ പരിസ്ഥിതി ലോല പ്രദേശമായി നോട്ടിഫിക്കേഷൻ ഇറക്കിയ കേന്ദ്ര പരിസ്ഥിതി വകുപ്പിന്റെ തിരുമാനം പിൻവലിക്കണമെന്ന് ആവശ്യപ്പെട്ടുകൊണ്ട് കാർഷിക പുരോഗമന സമിതി കേന്ദ്ര പരിസ്ഥിതി മന്ത്രാലയത്തിന് കത്ത യച്ചു. 10000 കത്തുകളാണ് അയക്കുന്നത്. കത്തയക്കൽ സമരത്തിന്റെ ജില്ലാതല ഉദ്ഘാടനം പൊഴുതന പോസ്റ്റാഫീസ്സിൽ വെച്ച് സംസ്ഥാന ചെയർമാൻ പിഎം ജോയി നിർവ്വഹിച്ചു.ടി.കെ.ഉമ്മർ അദ്ധ്യക്ഷത വഹിച്ചു.ബ്ലോക്ക്‌ പഞ്ചായത്ത്‌ മെമ്പർ ജിൻസി സണ്ണി, വി.പി വർക്കി, ഗഫൂർ വെണ്ണിയോട്,സൈഫ് […]

ലോകത്ത് കോവിഡ് ബാധിതർ രണ്ട് കോടി നാല്‍പ്പത് ലക്ഷം കടന്നു. കോവിഡ് ബാധിച്ച് മരിച്ചവരുടെ എണ്ണം എട്ട് ലക്ഷത്തി ഇരുപത്തി രണ്ടായിരം കടന്നു. ഒരു കോടി അറുപത്തിയഞ്ച് ലക്ഷം പേരാണ് ഇതിനോടകം രോഗമുക്തി നേടിയത്.

തോല്‍പ്പെട്ടി:സുഭിക്ഷ കേരളം പദ്ധതിയുടെ ഭാഗമായി മത്സ്യ കുഞ്ഞ് നിക്ഷേപ പദ്ധതി തിരുനെല്ലി പഞ്ചായത്ത് തല ഉദ്ഘാടനം തോല്‍പ്പെട്ടി നെടുംന്തനയില്‍ ഒ.ആര്‍ കേളു എം.എല്‍.എ നിര്‍വഹിച്ചു.പഞ്ചായത്ത് പ്രസിഡണ്ട് മായാദേവി അദ്ധ്യക്ഷത വഹിച്ചു.ബ്ലോക്ക് ഡിവിഷന്‍ മെമ്പര്‍ സതീഷ് കുമാര്‍, വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ അനന്തന്‍ നമ്പ്യാര്‍,ബാങ്ക് പ്രസിഡണ്ട് കെ.ടി ഗോപിനാഥന്‍, ഫിഷറീസ് വകുപ്പ് ഉദ്യോഗസ്ഥന്‍ ആഷിഖ് ബാബു,ബബീഷ് എന്നിവര്‍ പങ്കെടുത്തു.യുവജന കൂട്ടായ്മയുടെ നേതൃത്വത്തിലാണ് മത്സ്യ ക്യഷി നടത്തുന്നത്.

കല്‍പ്പറ്റ:കോവിഡ് പശ്ചാത്തലത്തില്‍ ഭക്ഷ്യ സുരക്ഷ ഉറപ്പ് വരുത്തുകയെന്ന ലക്ഷ്യത്തോടെ സര്‍ക്കാര്‍ പ്രഖ്യാപിച്ച 12 ഇന പരിപാടിയിലെ സുഭിക്ഷ കേരളം പദ്ധതിയിലുള്‍പ്പെടുത്തി നടപ്പിലാക്കുന്ന പൊതു കുളങ്ങളിലെ മത്സ്യകൃഷിയുടെ ഭാഗമായി വയനാട് ജില്ലയിലെ പൊതുജലാശയങ്ങളില്‍ മത്സ്യക്കുഞ്ഞ് നിക്ഷേപിച്ചു. തിരുനെല്ലിയില്‍ ഒ ആര്‍ കേളു എം എല്‍ എയും കോട്ടത്തറയില്‍ ജില്ലാ പഞ്ചായത്ത് പ്രസിഡന്റ് കെ ബി നസീമയും മറ്റ് കേന്ദ്രങ്ങളില്‍ വിവിധ ഗ്രാമപഞ്ചായത്ത് പ്രസിഡന്റുമാരും ഉദ്ഘാടനം ചെയ്തു.

തിരുവനന്തപുരംഃ സെക്രട്ടറിയേറ്റിലെ പ്രോട്ടോക്കോൾ വിഭാഗത്തിൽ തീപിടുത്തം. അപകടത്തില്‍ ആളപായമില്ല. തീപിടുത്തത്തില്‍ ഏതാനും ഫയലുകൾ കത്തി നശിച്ചു. അഗ്നിശമന സേന എത്തി തീ അണച്ചു.സ്വര്‍ണക്കടത്ത് അടക്കമുള്ള വിവാദ വിഷയങ്ങളുമായി ബന്ധപ്പെട്ട പ്രധാന രേഖകള്‍ സൂക്ഷിച്ചിരിക്കുന്ന പ്രോട്ടോക്കോൾ വിഭാഗത്തിലാണ് തീപിടുത്തം ഉണ്ടായിരിക്കുന്നതെന്നാണ് റിപ്പോർട്ട്. കമ്പ്യൂട്ടറില്‍ നിന്ന് ഉണ്ടായ ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്ന് ജീവനക്കാർ പറയുന്നു.