Author: Wide Live Desk

തിരുവനന്തപുരം• മുഖ്യമന്ത്രി പിണറായി വിജയന്റെ അപൂർവമായ ഒരു ചിത്രം സമൂഹമാധ്യമത്തിൽ പങ്കുവച്ചിരിക്കുകയാണ് അദ്ദേഹത്തിന്റെ മരുമകനും ഡിവൈഎഫ്ഐ നേതാവുമായ പി.എ. മുഹമ്മദ് റിയാസ്. ചമ്രം പടിഞ്ഞിരുന്ന് രണ്ടു കുഞ്ഞുങ്ങൾക്കൊപ്പം നിറഞ്ഞ ചിരിയോടെ ഇരിക്കുന്ന പിണറായിയുടെ മുഖം സൈബർ ലോകത്ത് നിമിഷങ്ങൾ കൊണ്ട് വൈറലായി.ഉൽസാഹത്തോടെ ചിരിക്കുകയും ഫോട്ടോയ്ക്ക് ആവേശത്തോടെ പോസ് ചെയ്യുകയും ചെയ്യുന്ന കുഞ്ഞുങ്ങളും ചിത്രത്തെ മനോഹരമാക്കി. ഇതിന് പിന്നാലെ ആരാണ് ഈ കുട്ടികൾ എന്ന ചോദ്യവും ഉയർന്നു.പിണറായി വിജയന്റെ ഭാര്യ കമലയുടെ സഹോദരന്റെ പേരക്കുട്ടികളാണ് ചിത്രത്തിലുള്ളത്. നക്ഷത്ര, ജനിക […]

സംസ്ഥാനത്ത് ആരാധനാലയങ്ങളിൽ സന്ദർശനം അനുവദിച്ചുകൊണ്ടുള്ള മാർഗരേഖ പുറത്തുവിട്ടു. മാർഗ്ഗരേഖയിലെ നിർദേശങ്ങൾ പ്രകാരം ഒരു സമയം 20 പേരെ ആരാധനാലയങ്ങളിൽ പ്രവേശിപ്പിക്കാം. ഹിന്ദു ആരാധനാലയങ്ങളിൽ വിശേഷ പൂജ, പ്രത്യേക ആരാധന ചടങ്ങുകൾ എന്നിവ നടക്കുമ്പോൾ അതത് ആരാധനാലയങ്ങളുടെ സൗകര്യം അനുസരിച്ച് 40 പേരെ അനുവദിക്കും. മുസ്ലിം പള്ളികളിൽ വെള്ളിയാഴ്ച പ്രാർത്ഥനയ്ക്കും ക്രിസ്ത്യൻ പള്ളികളില്‍ ഞായറാഴ്ച കുർബാനയ്ക്കും 40 പേരെയാണ് അനുവദിക്കുക. കോവിഡ് പ്രോട്ടോകോൾ പ്രകാരമായിരിക്കും പ്രവേശനാനുമതി നൽകുക. തുലാം മാസ പൂജക്ക് ശബരിമലയിൽ ഭക്തരെ പ്രവേശിപ്പിക്കുന്നതുമായി ബന്ധപ്പെട്ടും മാർഗരേഖ […]

ദേശീയ ഉപാധ്യക്ഷനായതിനു ശേഷം ആദ്യമായി തിരുവനന്തപുരം മാരാർജി ഭവനിലെത്തിയ അബ്ദുള്ളക്കുട്ടിയെ സ്വീകരിക്കാൻ തയ്യാറാകാതെ മുതിർന്ന നേതാക്കൾ മുങ്ങി.ബിജെപി ഉപാധ്യക്ഷനായി അബ്ദുള്ളക്കുട്ടിയെ നിയമിച്ചതിനെതിരെ സംഘടനാ തലത്തിൽ ഉണ്ടായ ഭിന്നതയാണ് ഇപ്പോൾ മറനീക്കി പുറത്തുവന്നത്. കീഴ്‌വഴക്കമനുസരിച്ച് ബിജെപി സംസ്ഥാന പ്രസിഡന്റ് കെ സുരേന്ദ്രന്റെ നേതൃത്വത്തിലാണ് കേന്ദ്ര ഉപാധ്യക്ഷനെ സ്വീകരിക്കേണ്ടതാണ്. തലസ്ഥാനത്തു തന്നെ ഉണ്ടായിരുന്ന മുതിർന്ന നേതാക്കളോ, ഒ രാജഗോപാൽ എംഎൽഎയോ, ജില്ലാ പ്രസിഡന്റ് വി വി രാജേഷോ മറ്റു നേതാക്കളോ അബ്ദുള്ളക്കുട്ടിയെ കാണാൻ എത്തിയതുമില്ല.