Author: Anwar Sadiq

കലാഭവൻ മുഹമ്മദ് ഹനീഫ് അന്തരിച്ചു. 58 വയസ്സായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ശ്വാസകോശ അണുബാധയെ തുടർന്ന് ചികിത്സയിലായിരുന്നു. 150 ലധികം സിനിമകളിൽ അഭിനയിച്ചു. ജലധാര പമ്പ് സെറ്റ് അവസാനം പുറത്തിറങ്ങിയ ചിത്രം. സംസ്കാരം നാളെ മട്ടാഞ്ചേരിയിൽ.

നടന്‍ പൃഥ്വിരാജിനെ നായകനാക്കി വിപിൻ ദാസ്  സംവിധാനം ചെയ്യുന്ന ഗുരുവായൂര്‍ അമ്പലനടയില്‍ എന്ന ചിത്രത്തിന്‍റെ സെറ്റ് നിര്‍മ്മാണത്തിന് സ്റ്റോപ് മെമോ. സെറ്റ് നിര്‍മ്മിക്കുന്നത് അനധികൃതമായി മണ്ണിട്ടു നികത്തിയ സ്ഥലത്താണെന്ന പരാതിയിലാണ് പെരുമ്പാവൂര്‍ നഗരസഭയുടെ സ്റ്റോപ് മെമോ. നിർമാണത്തിന് അനുമതി വാങ്ങിയിട്ടില്ലെന്നു നഗരസഭാധ്യക്ഷൻ ബിജു ജോൺ ജേക്കബ് പറഞ്ഞു. പാടം നികത്തിയ സ്ഥലത്ത് നിർമാണ അനുമതി നൽകാൻ കഴിയില്ലെന്നും അദ്ദേഹം പറഞ്ഞു. വെട്ടിക്കനാക്കുടി വി.സി.ജോയിയുടെ മകൻ ജേക്കബ് ജോയിയുടെ ഉടമസ്ഥതയിൽ 12–ാ ം വാർഡിൽ കാരാട്ടുപളളിക്കരയിലാണു ഗുരുവായൂർ അമ്പലത്തിന്‍റെ […]

മൊബൈൽ വരിക്കാർക്ക് ഇനി ‘യുണീക് കസ്റ്റമർ ഐ ഡി’. ഓരോ മൊബൈൽ വരിക്കാർക്കും പുതിയ തിരിച്ചറിയൽ ഐ ഡി നൽകാനാണ് സർക്കാർ തീരുമാനം. ഉപഭോക്താക്കളെ തട്ടിപ്പുകളിൽ നിന്ന് രക്ഷിക്കാനും സേവനങ്ങൾ ഉപഭോക്തൃസൗഹൃദപരം ആക്കാനുമാണ് ഈ തീരുമാനം. പുതിയ തിരിച്ചറിയൽ ഐ ഡി നൽകുന്നത് വഴി സർക്കാർ ആനുകൂല്യങ്ങളും ഉപഭോക്താക്കൾക്ക് ലഭ്യമാക്കാൻ സാധിക്കും. മൊബൈൽ ഫോൺ വരിക്കാർക്ക് പ്രത്യേക തിരിച്ചയറിയാൽ ഐ ഡി നൽകുന്നത് വഴി ഒന്നിലധികം മൊബൈൽ കണക്ഷനുകൾ ഉള്ളവർക്ക് കണക്ഷനുകളെല്ലാം ഒരേ രേഖയുമായി ബന്ധപ്പെടുത്താൻ സാധിക്കും. […]

കൊച്ചി: സംസ്ഥാനത്ത് സ്വര്‍ണവില വീണ്ടും കുറഞ്ഞു. കഴിഞ്ഞ ദിവസം 45000ല്‍ താഴെ എത്തിയ സ്വര്‍ണവില ഇന്ന് 320 രൂപയാണ് കുറഞ്ഞത്. 44,560 രൂപയാണ് ഇന്ന് ഒരു പവന്‍ സ്വര്‍ണത്തിന്റെ വില. ഗ്രാമിന് 40 രൂപയാണ് കുറഞ്ഞത്. 5570 രൂപയാണ് ഒരു ഗ്രാം സ്വര്‍ണത്തിന്റെ വില. കഴിഞ്ഞമാസം 28ന് 45,920 രൂപയായി ഉയര്‍ന്ന് സ്വര്‍ണവില റെക്കോര്‍ഡിട്ടിരുന്നു. പിന്നീടുള്ള ദിവസങ്ങളില്‍ വില താഴുന്നതാണ് ദൃശ്യമാകുന്നത്. 12 ദിവസത്തിനിടെ 1400 രൂപയാണ് കുറഞ്ഞത്.

എടത്വാ പാണ്ടങ്കരി ക്ഷേത്ര മുഖ്യപൂജാരി പോക്സോ കേസിൽ പിടിയിൽ. കുട്ടിയുടെ വീട്ടുകാരുടെ പരാതിയെ തുടർന്ന് എടത്വ പൊലീസാണ് പ്രതിയെ പിടികൂടിയത്.കായംകുളം സ്വദേശിയായ വൈശാഖ് വിജയൻ (29) ആണ് 13 വയസ്സ് പ്രായമുള്ള ആൺകുട്ടിയെ ക്ഷേത്ര ചുറ്റളവിലുള്ള കെട്ടിടത്തിൽ വച്ച് പീഡിപ്പിച്ചത്. പ്രതി ബാലഗോകുലത്തിന്‍റെയും ആർഎസ്എസിന്‍റെയും പ്രധാന പ്രവർത്തകനാണെന്ന് നാട്ടുകാർ പറയുന്നു.  ഇന്ന് ഉച്ചയോടെ അറസ്റ്റ് രേഖപ്പെടുത്തും.

സ്കൂൾ വിനോദയാത്രയ്ക്ക് പോകാനൊരുങ്ങിയ നാല് ടൂറിസ്റ്റ് ബസുകൾ കൊച്ചിയിൽ മോട്ടോർവാഹന വകുപ്പ് പിടിച്ചെടുത്തു. ഇന്ന് പുലര്‍ച്ചെയാണ് സംഭവം. എളമക്കര ഗവണ്മെൻറ് ഹയർ സെക്കന്‍ഡറി സ്കൂളിലെ കുട്ടികൾ ടൂർ പോകുന്നതിന് വേണ്ടി എടുത്ത ബസുകളാണ് മോട്ടോര്‍ വാഹന വകുപ്പിന്‍റെ പിടിയിലായത്. യാത്രയ്ക്ക് മുൻപ് ബസുകൾ മോട്ടോർവാഹനവകുപ്പിന്റെ പരിശോധനക്ക് വിധേയമാക്കാത്തതിനെ തുടർന്നാണ് കസ്റ്റഡിയിൽ എടുത്തത്. ഊട്ടിയിലേക്കാണ് വിനോദയാത്രക്ക് പോകാൻ തയ്യാറെടുത്ത്. ബസിന്‍റെ ഫിറ്റ്നസ് രേഖകൾ അടക്കം ഹാജരാക്കിയാലേ ബസ് വിട്ടുനൽകുകയുള്ളു എന്ന് ഉദ്യോഗസ്ഥർ അറിയിച്ചു. ഇന്ന് രാവിലെ പരിശോധന നടക്കുമ്പോള്‍ […]