തങ്ങളുടെ എഴുപത്തഞ്ചാം വാര്‍ഷികാഘോഷത്തിന്‌റെ ഭാഗമായി ഐതിഹാസിക എസ്യുവിയായ ഓള്‍-ന്യൂ ഥാര്‍ പുറത്തിറക്കി മഹീന്ദ്ര ഗ്രൂപ്പ്. സമകാലിക എസ്യുവിയുടെ എല്ലാം ഘടകങ്ങളും ഉള്‍ക്കൊളളിച്ച ഒരു ഐക്കോണിക് വാഹനം തന്നെയാണ് ഓള്‍-ന്യൂ ഥാര്‍. അതേസമയം, എല്ലാ ശ്രേണിയിലുമുളള പുതിയ ഥാറിന്റെ ബുക്കിംഗ് ആരംഭിച്ചിട്ടുണ്ട്.
എഎക്സ്, എല്‍എക്സ് എന്നീ രണ്ട് ട്രിമ്മുകളില്‍ ഓള്‍-ന്യൂ ഥാര്‍ ലഭ്യമാകും. ഉപഭോക്താക്കള്‍ക്ക് വിശാലമായ വേരിയന്റുകളിലും, നിറങ്ങളിലും, ഓപ്ഷനുകളിലും ഓള്‍-ന്യൂ ഥാര്‍ ലഭ്യമാണ്. മികച്ച പ്രകടനം, സാങ്കേതികവിദ്യ, സുരക്ഷ എന്നിവയുടെ കാര്യത്തില്‍ വലിയ കുതിപ്പുതന്നെയാണ് ഓള്‍-ന്യൂ ഥാറിനൊപ്പം മഹീന്ദ്രയും കാഴ്ചവെക്കുന്നത്
