പുതിയ പാര്‍ലമെന്റ് കെട്ടിടത്തിന്റെ നിര്‍മ്മാണ കരാര്‍ ടാറ്റ പ്രൊജക്ട്‌സിന്. 861.90 കോടി രൂപ ചെലവില്‍ കെട്ടിടം പൂര്‍ത്തീകരിക്കാനാണ് കരാര്‍. 21 മാസം കൊണ്ട് നിര്‍മ്മാണം പൂര്‍ത്തീകരിക്കാനാണ് ലക്ഷ്യമിടുന്നത്.ഇപ്പോള്‍ നടക്കുന്ന വര്‍ഷകാല സമ്മേളനം പൂര്‍ത്തിയാകുന്ന മുറയ്ക്ക് പ്രവൃത്തികള്‍ ആരംഭിക്കുമെന്നാണ് വിവരം. എല്‍ ആന്‍ഡ് ടി, ടാറ്റ പ്രൊജക്ട്‌സ്, ഷപൂര്‍ജി പല്ലോന്‍ജി ആന്‍ഡ് കമ്പനി എന്നീ കമ്പനികളാണ് അവസാനഘട്ട ലേലത്തില്‍ ഉണ്ടായിരുന്നത്. 865 കോടിയാണ് എല്‍ ആന്‍ഡ് ടി മുന്നോട്ടുവെച്ചത്.
