അമേരിക്കയില്‍ ചികില്‍സയിരിക്കെ മുഖ്യമന്ത്രി പിണറായി വിജയന്‍ കേരളത്തില്‍ ഔദ്യോഗിക ഫയലുകളില്‍ മറ്റാരോ വ്യാജ ഒപ്പിട്ടതായി ബിജെപി വക്താവ് സന്ദീപ് വാര്യര്‍ ആരോപണമുന്നയിച്ചിരുന്നു. പിന്നീട് പികെ കുഞ്ഞാലിക്കുട്ടിയും ഇതേ ആരോപണം ഏറ്റെടുത്തു. വാര്‍ത്താസമ്മേളത്തില്‍ വ്യാജഒപ്പിട്ടെന്ന ആരോപണത്തില്‍ വിശദീകരണം നടത്തവേ ലീഗും ബിജെപിയും ഒക്കച്ചങ്ങായിമാരാണെന്ന് മുഖ്യമന്ത്രി പറഞ്ഞിരുന്നു. 2018ലും മുഖ്യമന്ത്രി ഇതേ പ്രയോഗം നടത്തിയിരുന്നു. മലബാര്‍ മേഖലയില്‍ പ്രധാനമായും തലശേരി ഭാഗത്ത് ഒരാളുടെ ഏറ്റവും അടുത്ത സുഹൃത്തിനെ വിശേഷിപ്പിക്കുന്ന പദമാണ് ഒക്കച്ചങ്ങായി.
