കൽപ്പറ്റ കോ ഓപ്പറേറ്റീവ് അർബൻ സൊസൈറ്റി അംഗങ്ങളുടെ മക്കളിൽ എസ് എസ് എൽ സി ,പ്ലസ് ടു പരീക്ഷകളിൽ ഉന്നത വിജയം കൈവരിച്ചവർക്ക് നൽകിവരുന്ന കുഞ്ഞിക്കണ്ണൻ എൻഡോമെന്റ് വിതരണം ചെയ്തു. കോഓപ്പറേറ്റീവ് വെൽഫയർ ഫണ്ട്‌ ബോർഡ്‌ വൈസ് ചെയർമാൻ ശ്രീ. സി കെ ശശീന്ദ്രൻ വിതരണം ഉത്ഘാടനം ചെയ്തു. ഹൃദയ പലിശരഹിത വായ്പ പദ്ധതിയുടെ ഉത്ഘാടനം വൈത്തിരി സർക്കിൾ സഹകരണ യൂണിയൻ ചെയർമാൻ ശ്രീ. സുഗതൻ നിർവഹിച്ചു. പ്രസിഡന്റ്‌ എം ഡി സെബാസ്റ്റ്യൻ അധ്യക്ഷത വഹിച്ച ചടങ്ങിൽ വൈസ് പ്രസിഡന്റ്‌ മൂസ കല്ലങ്കോടൻ സ്വാഗതവും ഡയറക്ടർ മാത്യു നന്ദിയും പറഞ്ഞു. ഡയറക്ടർമാരായ എം മധു , ജോസഫ്, ഹനീഫ തുടങ്ങിയവർ സംസാരിച്ചു.
