തിരുവനന്തപുരം: സംസ്ഥാനത്ത് സ്വര്ണ വിലയില് വര്ധന. പവന് 1800 രൂപയാണ് കൂടിയത്. ഒരു പവന് സ്വര്ണത്തിന്റെ ഇന്നത്തെ വില 1,11,120 രൂപയാണ്. ഗ്രാമിന് ആനുപാതികമായി 225 രൂപയാണ് കൂടിയിരിക്കുന്നത്. ഇതോടെ ഒരു ഗ്രാമിന് 13,890 രൂപയായി.
ഇറാനുമായുള്ള യുദ്ധം അവസാനിച്ചുവെന്നും സമാധാന കരാറിന് അരികിലാണെന്നുമുള്ള യുഎസ് പ്രസിഡന്റ് ഡോണള്ഡ് ട്രംപിന്റെ പ്രതികരണം സ്വര്ണവിലയില് പ്രതിഫലിച്ചു. ശനിയാഴ്ച ഒറ്റയടിക്ക് 2160 രൂപയാണ് കൂടിയത്. ഈ ട്രെന്ഡ് ഇന്നും തുടരുകയായിരുന്നു. മൂന്നുദിവസത്തിനിടെ 4300 രൂപയാണ് വര്ധിച്ചത്.
കഴിഞ്ഞ ആഴ്ച 5000 രൂപയിലധികം ഇടിവുണ്ടായതിന് പിന്നാലെയാണ് സ്വര്ണവി ഉയരാന് തുടങ്ങിയത്. പശ്ചിമേഷ്യന് സംഘര്ഷം അനിശ്ചിതമായി തുടരുന്നതും അമേരിക്കന് കേന്ദ്ര ബാങ്ക് പലിശനിരക്ക് ഉയര്ത്തുമെന്ന റിപ്പോര്ട്ടുകളുമാണ് കഴിഞ്ഞ ദിവസങ്ങളില് സ്വര്ണവിലയെ ബാധിച്ചത്.
അമേരിക്കയില് പലിശനിരക്ക് കൂട്ടിയാല് സ്വാഭാവികമായി സ്വര്ണവില കുറയുമെന്നാണ് വിപണി വിദഗ്ധര് പറയുന്നത്. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
