താനൂർ: പൊലീസിനെ പോക്കറ്റടിക്കാൻ ശ്രമിച്ചയാളെ പൊലീസുതന്നെ തന്ത്രപൂർവം പിടികൂടി. മമ്പുറം നേർച്ച ഡ്യൂട്ടിയിലായിരുന്ന താനൂർ സ്റ്റേഷനിലെ സി.പി.ഒ എം.പി. സബറുദ്ദീനാണ് മോഷ്ടാവായ തച്ചിങ്ങനാടത്തെ കരുവൻതിരുത്തി വീട്ടിൽ ആബിദ് കോയയെ (47) വലയിലാക്കിയത്. പോക്കറ്റടിക്കാർ വ്യാപിക്കുമെന്ന ഡിവൈ.എസ്.പിയുടെ നിർദേശപ്രകാരം മഫ്തിയിൽ മൈതാനത്ത് നിരീക്ഷണ ജോലിയിലായിരുന്നു.
തന്നെ പിന്തുടർന്ന ഇയാളെ സബറുദ്ദീൻ സംശയിക്കുകയും ചെയ്തിരുന്നു. പാന്റ്സിന്റെ പിന്നിലെ പോക്കറ്റ് ബ്ലേഡ് വെച്ച് പോക്കറ്റടിക്കുന്നതിനിടെ തന്ത്രത്തിൽ കൈയോടെ പിടികൂടി വീഴ്ത്തുകയായിരുന്നു.തിരൂരങ്ങാടി പൊലീസിന് കൈമാറിയ പ്രതിയെ പിന്നീട് പൊലീസ് ജാമ്യത്തിൽ വിട്ടയച്ചു
