ഇന്ധനവില ഇന്നും വര്ധിപ്പിച്ചു. പെട്രോളിന് 44 പൈസയും ഡീസലിന് 42 പൈസയുമാണ് ഇന്ന് വർധിച്ചത്. ഇതോടെ തിരുവനനന്തപുരം നഗരത്തില് ഒരു ലീറ്റര് പെട്രോളിന് 115.45 രൂപയും ഡീസലിന് 102.26 രൂപയുമായി വില ഉയര്ന്നു. കൊച്ചിയില് പെട്രോളിന് 113.46രൂപയും ഡീസലിന് 100.40രൂപയുമാണ് ഇന്നത്തെ വില. കൊച്ചിയില് ആദ്യമായാണ് ഡീസല്വില 100 കടക്കുന്നത്. കോഴിക്കോട് പെട്രോള് ലീറ്ററിന് 113.62 രൂപയും ഡീസലിന് 100.58രൂപയുമാണ് ഇന്നത്തെ വില. 10 ദിവസത്തിനിടെ പെട്രോളിന് കൂടിയത് ലീറ്ററിന് 9.15 രൂപയും, ഡീസലിന് 8.84 രൂപയുമാണ്.
