ഓർഡർ ചെയ്ത ബിരിയാണിയിൽ വേവിക്കാത്ത കോഴിത്തല ലഭിച്ചതായി പരാതി. മലപ്പുറം തീരൂരിലാണ് സംഭവം. പ്രതിഭ എന്ന യുവതിയാണ് പരാതി നൽകിയിരിക്കുന്നത്. മുത്തൂരിലുള്ള കടയിൽ നിന്നും നാല് ബിരിയാണിയാണ് ഇവർ ഓർഡർ ചെയ്തത്. ഇതിൽ ഒരു പാക്കറ്റ് തുറന്നപ്പോഴാണ് അതിൽ കോഴിത്തലയുള്ളതായി ശ്രദ്ധയിൽപ്പെട്ടത്. ഇതിനെത്തുടർന്ന് പ്രതിഭ ഭക്ഷ്യസുരക്ഷാവകുപ്പിൽ പരാതിയും നൽകി

പാലക്കാട് വീണ്ടും കാട്ടുപന്നി ആക്രമണം. വീട്ടുമുറ്റത്ത് കളിച്ചുകൊണ്ടിരുന്ന കുട്ടികളെ കാട്ടുപന്നി ആക്രമിച്ചു. സംഭവത്തിൽ 3 കുട്ടികൾക്ക് പരുക്കേറ്റു. മംഗലം ഡാം വീട്ടിക്കൽ കടവിൽ മുരളീധരന്റെ ചെറുമകൾ അമേയ, സമീപവാസികളായ അയാൻ, അനന്തകൃഷ്ണൻ എന്നിവർക്കാണ് പരിക്കേറ്റത്. കൈയ്ക്കും കാലിനും പരിക്കേറ്റ കുട്ടികളെ സമീപത്തെ ആശുപത്രിയിൽ പ്രവേശിപ്പിച്ചു. വീട്ടുമുറ്റത്ത് കളിക്കുന്നതിനിടെ റോഡിന്റെ എതിർവശത്ത് നിന്നും പാഞ്ഞു വന്ന പന്നി ഗേറ്റ് ഇടിച്ചു തകർത്ത് കുട്ടികളെ ആക്രമിക്കുകയായിരുന്നു.

സാമൂദായിക സൗഹാര്‍ദം തകര്‍ക്കാന്‍ മതവിദ്വേഷം വളര്‍ത്തുന്ന രീതിയില്‍ സമൂഹ മാധ്യമങ്ങളില്‍ വ്യാജ അക്കൗണ്ടുകള്‍ നിര്‍മിച്ച് സന്ദേശങ്ങള്‍ പ്രചരിപ്പിക്കുന്ന പ്രവണത വ്യാപകമാകുന്നു. കളമശ്ശേരി ബോംബ് സ്‌ഫോടനത്തെ തുടര്‍ന്ന് സൈബര്‍ സെല്‍ നടത്തിയ വിവരശേഖരണത്തിലാണ് ഫേസ്ബുക്ക് ഉള്‍പ്പെടെയുള്ള സമൂഹമാധ്യമങ്ങള്‍ വഴി വ്യാജ ഐഡി ഉപയോഗിച്ചുള്ള വിദ്വേഷം പ്രചാരണം വര്‍ദ്ധിച്ചതായി കണ്ടെത്തിയത്. സന്ദേശങ്ങളുടെയും കമന്റുകളുടെയും രൂപത്തിലാണ് പ്രചാരണം. ഇവര്‍ക്കെതിരെ നടപടി കടുപ്പിക്കുന്നതിന്റെ ഭാഗമായി വ്യാജ പ്രൊഫൈലുകള്‍ നിര്‍മിച്ചവര്‍ ഉപയോഗിച്ച ഐ.പി വിലാസം കണ്ടെത്താനുള്ള ശ്രമത്തിലാണ് പൊലീസ്. ഇതിനായി ഫേസ്ബുക്ക്, ഇന്‍സ്റ്റഗ്രാം, എക്‌സ്, […]

ഇടുക്കി: ഇടുക്കി ശാന്തൻപാറക്ക് സമീപം ചേരിയാറിൽ വീടിന്റെ ചുമരിടിഞ്ഞു ദേഹത്തു വീണ് ഒരാൾ മരിച്ചു. ചേരിയാർ സ്വദേശി റോയി ആണ് മരിച്ചത്. ഇടുക്കിയിൽ കനത്തമഴ തുടരുകയാണ്. ശാന്തൻപാറക്കു സമീപം പോത്തൊട്ടിയിൽ ഉരുൾപൊട്ടി. പേത്തൊട്ടി തോടിനു കുറുകെയുണ്ടായിരുന്ന പാലത്തിനു മുകളിലൂടെ വെളളം കവിഞ്ഞൊഴുകി. തോടിനു സമീപത്ത് താമസിച്ചിരുന്ന ആറു വീടുകളിലെ താമസക്കാരെ ബന്ധു വീടുകളിലേക്കും ശാന്തൻപാറ പഞ്ചായത്ത് കമ്മ്യൂണിറ്റി ഹാളിലേക്കും മാറ്റി. പേത്തൊട്ടി സ്വദേശി മിനിയുടെ വീട്ടിനുള്ളിലേക്കാണ് ആദ്യം വെള്ളമെത്തിയത്. ഇവരുടെ വീട്ടുമുറ്റത്തുണ്ടായിരുന്ന ഇരുചക്ര വാഹനവും ഒഴുക്കിൽപെട്ടു. ശാന്തൻപാറ […]

കൊച്ചി: കളമശേരി സ്ഫോടനത്തിൽ മരണം നാലായി. കളമശേരി സ്വദേശി മോളി ജോയ് (61)ആണ്‌ മരിച്ചത്.രാവിലെ 6.30 നായിരുന്നു അന്ത്യം. 80 ശതമാനത്തോളം പൊള്ളലേറ്റിരുന്നു. അതേസമയം, കളമശ്ശേരി സ്ഫോടന കേസിലെ പ്രതി ഡൊമനിക് മാർട്ടിനെ കസ്റ്റഡിയിൽ ആവശ്യപ്പെട്ട് പൊലീസ് നൽകിയ ഹർജി എറണാകുളം ജില്ലാ സെഷൻസ് കോടതി ഇന്ന് പരിഗണിക്കും. 10 ദിവസം കസ്റ്റഡിയിൽ വേണമെന്നാണ് ആവശ്യം. കേസിൽ കൂടുതൽ പ്രതികൾ ഉൾപ്പെട്ടിട്ടുണ്ടോ എന്നതടക്കമുള്ളതിൽ വ്യക്തത വരുത്തുകയാണ് ലക്ഷ്യം. കളമശ്ശേരി സ്ഫോടനത്തിൽ കൊല്ലപ്പെട്ട 12 വയസുകാരി ലിബ്നയുടെ സംസ്കാര […]

പുത്തൻ റിലീസുകൾ പോലെ തന്നെ റീ റീലിസുകളും നിരവധി ഉണ്ടാകുന്നത് സൗത്ത് ഇന്ത്യയിലാണ്. ഒരു കാലത്ത് തിയേറ്ററുകൾ ഇളക്കി മറിച്ച ചിത്രങ്ങളും ആളുകയറാതെ പരാജയപ്പെട്ട് പിന്നീട് ജനശ്രദ്ധയാക‍ർഷിച്ച ചിത്രങ്ങളും വർഷങ്ങൾക്ക് ശേഷം തിയേറ്ററിന്റെ പശ്ചാത്തലത്തിൽ ഇരുന്ന് കാണാൻ ആളുകളുടെ തിരക്കാണ്. അത്തരത്തിൽ 16 വർഷങ്ങൾക്ക് മുൻപ് തിയേറ്റർ പൂരപ്പറമ്പാക്കിയ രജനികാന്തിന്റെ ശിവാജി: ദ ബോസ് വീണ്ടും റിലീസിനെത്തുകയാണ്. പല റീറിലീസുകളും സിനിമയുടെ വാർഷിക ദിനത്തിലും താരങ്ങളുടെ ജന്മദിനത്തിലും മാത്രമായി ഒതുങ്ങി പോകുന്നുണ്ട്. അത്തരത്തിൽ ലിമിറ്റഡ് റിലീസായാണ് ശിവാജിയും […]

മൂവാറ്റുപു‍ഴയില്‍ രണ്ട്  അതിഥി തൊഴിലാളികൾ കൊല്ലപ്പെട്ടു.  ക‍ഴുത്ത് അറുത്ത നിലയിലാണ് മൃതദേഹം കാണപ്പെട്ടത്.  മൂവാറ്റുപുഴ അടൂപറമ്പിലാണ് സംഭവം. രണ്ട് തൊ‍ഴിലാളികളും തടിമില്ലിലെ ജോലിക്കാരാണ്. മോഹൻതോ , ദീപങ്കർ ബസുമ എന്നീ അസം സ്വദേശികളെയാണ് മരിച്ച നിലയില്‍ കാണപ്പെട്ടത്. സംഭവം കൊലപാതകമാണെന്നാണ് പൊലീസ് പറഞ്ഞു. ഇവർക്കൊപ്പം താമസിക്കുന അസം സ്വദേശിയെയാണ് പൊലീസിന് സംശയം. ഇയാള്‍ക്കായുള്ള തെരച്ചില്‍ ആരംഭിച്ചു