Author: Wide Live Desk

ക്ഷേത്രത്തിലേക്കുള്ള നടപ്പാതക്ക് സ്ഥലം വിട്ടു നൽകിയത് മഹല്ല് കമ്മറ്റി. പള്ളിയുടെ സ്ഥലം സൗജന്യമായാണ് ക്ഷേത്രത്തിലേക്ക് വഴി നിർമിക്കുന്നതിനായി വിട്ടുനൽകിയത്.മുതുവല്ലൂർ കോഴിക്കോടൻ മൂച്ചിത്തടം ഭഗവതി ക്ഷേത്രത്തിലേക്കുള്ള വഴിയാണ് പള്ളി വക സ്ഥലത്തിലൂടെ യാഥാർഥ്യമായത്. ഒരു മീറ്ററിലധികം വീതിയിലാണ് 110 മീറ്റർ കോൺക്രീറ്റ് നടപ്പാത നിർമിച്ചിരിക്കുന്നത്. പരതക്കാട് ജുമുഅത്ത് പള്ളികമ്മറ്റി പഞ്ചായത്തിന് സ്ഥലം കൈമാറുകയും പഞ്ചായത്ത് തനത് ഫണ്ടിൽ നിന്നും നടപ്പാത നിർമ്മിക്കുകയുമായിരുന്നു.വഴി യാഥാർഥ്യമായതോടെ പ്രദേശത്തു തന്നെയുള്ള കോളനി വാസികൾക്കും ആശ്വാസമായി, ക്ഷേത്രത്തോട് ചേർന്നുള്ള കോളനിയിലേക്കും കൂടിയുള്ളതായി പുതിയ വഴി.

കോടിയേരി ബാലകൃഷ്ണന്‍ ഒഴിയേണ്ടെന്ന് സിപിഎം കേന്ദ്ര നേതൃത്വം. കോടിയേരിയുടെ മകന്‍ ബിനീഷ് കോടിയേരി കേസ് വ്യക്തിപരമായി നേരിടുമെന്നും കേസിന്റെ പേരില്‍ കോടിയേരി ഒഴിയുന്നത് എതിരാളികളെ സഹായിക്കുമെന്നുമാണ് സിപിഎം നിലപാട്. നിരപരാധിത്വം തെളിയിക്കേണ്ടത് ബിനീഷാണ്, ഇതിന്റെ പേരില്‍ കോടിയേരിക്കെതിരായ രാഷ്ട്രീയ പ്രചാരവേല ചെറുക്കും. സ്വര്‍ണ്ണക്കടത്ത് കേസിലെ അന്വേഷണത്തിന്റെ പേരില്‍ കേന്ദ്ര ഏജന്‍സികളെ ദുരുപയോഗം ചെയ്യുന്നുവെന്നും സിപിഎം സിസി വിലയിരുത്തി. ഇക്കാര്യം ജനങ്ങളെ ബോധ്യപ്പെടുത്താന്‍ വേണ്ട നടപടികള്‍ സ്വീകരിക്കാനും കേന്ദ്ര കമ്മിറ്റിയില്‍ ധാരണയായി.