Author: Wide Live Desk

തദ്ദേശ സർക്കാരിനെ തിരഞ്ഞെടുക്കാനുള്ള കാഹളമാകുന്നു. ഈയാഴ്ച തിരഞ്ഞെടുപ്പു വിജ്ഞാപനം വരുമെന്നാണ് സൂചനകൾ. രാഷ്ട്രീയച്ചൂടിലേക്കു കേരളം അടിവയ്ക്കുന്നു. സീറ്റുകൾ വിഭജിക്കാനും സ്ഥാനാർഥികളെ കണ്ടെത്താനും മുന്നണികളും പാർട്ടികളും ഉറക്കമൊഴിക്കുന്നു. ഭരണത്തുടർച്ച ലക്ഷ്യമിടുന്നവരും എതിർകോട്ടകൾ പിടിക്കാൻ ആവേശം കൊള്ളുന്നവരും പ്രവർത്തനവുമായി മുന്നോട്ടു തന്നെ. തദ്ദേശ സ്ഥാപനങ്ങളിലെ രാഷ്ട്രീയക്കാഴ്ചകളിലേക്ക് കേരളം വരും ദിവസങ്ങളിൽ സജീവമാകും

ഡ്രൈവിങ് ലൈസന്‍സുകളും വാഹനങ്ങളുടെ രജിസ്‌ട്രേഷന്‍ സര്‍ട്ടിഫിക്കറ്റുകളും വിതരണം ചെയ്യാന്‍ സ്വകാര്യ ഏജന്‍സികളെ നിയോഗിക്കുന്നു. രേഖകളുടെ അച്ചടിക്ക് മോട്ടോര്‍വാഹനവകുപ്പ് ചുമതലപ്പെടുത്തിയ കേരള ബുക്ക്‌സ് ആന്‍ഡ് പബ്ലിക്കേഷന്‍ സൊസൈറ്റി ഇവ വിതരണം ചെയ്യാന്‍ പാഴ്‌സല്‍ ഏജന്‍സികളില്‍നിന്നും ടെന്‍ഡര്‍ വിളിച്ചു. ഡിസംബര്‍ രണ്ടാംവാരത്തോടെ ഈ സംവിധാനം നിലവില്‍വരും. നിലവില്‍ തപാല്‍വകുപ്പാണ് വിതരണം ചെയ്യുന്നത്. കേന്ദ്രീകൃത അച്ചടി സംവിധാനത്തിന്റെ ഭാഗമായിട്ടാണ് വിതരണത്തിലും മാറ്റംവരുന്നത്. ഒടിഞ്ഞുപോകാത്തതും പ്രിന്റിങ് മായാത്തതുമായ പോളികാര്‍ബണേറ്റ് കാര്‍ഡുകളിലാണ് ഡ്രൈവിങ് ലൈസന്‍സും വാഹനങ്ങളുടെ രജിസ്‌ട്രേഷന്‍ സര്‍ട്ടിഫിക്കറ്റും അച്ചടിക്കുന്നത്. അപേക്ഷകന്റെ മേല്‍വിലാസത്തിലേക്ക് അയക്കുന്ന […]

കേരളത്തിലെ ബിപിഎൽ കുടുംബങ്ങളിലും ഗവ. ഓഫിസുകളിലും ആശുപത്രികളിലും സ്കൂളുകളിലും മറ്റും സർക്കാർ വക ഇന്റർനെറ്റ് കണക്‌ഷൻ എത്തിക്കാനുള്ള കെ ഫോൺ പദ്ധതി അവസാന ഘട്ടത്തിലാണെന്ന് കെഎസ്ഇബി അറിയിച്ചു. ഈ വർഷം അവസാനത്തോടെ സംസ്ഥാനത്ത് എല്ലാവർക്കും അതിവേഗ ഇന്റർനെറ്റ് ലഭിക്കുമെന്നാണ് കെഎസ്ഇബി സോഷ്യൽമീഡിയ വഴി അറിയിച്ചിരിക്കുന്നത്. കുറഞ്ഞ നിരക്കിൽ അതിവേഗ ഇന്റർനെറ്റ്, കേബിള്‍ ടിവി തുടങ്ങി സർവീസുകളാണ് കെ ഫോൺ കൊണ്ട് ലക്ഷ്യമിടുന്നത്. റിലയൻസ് ജിയോയുടെ ബ്രോഡ്ബാൻഡ് സർവീസിനേക്കാൾ വലിയ പദ്ധതിയാണ് കേരള സർക്കാർ ആസൂത്രണം ചെയ്യുന്നത് എന്നാണ് […]

സ്ത്രീ വിരുദ്ധ പരാമര്‍ശത്തില്‍ നിര്‍വ്യാജം ഖേദം പ്രകടിപ്പിക്കുന്നതായി കെപിസിസി അദ്ധ്യക്ഷന്‍ മുല്ലപ്പള്ളി രാമചന്ദ്രന്‍. സോളാര്‍ കേസിലെ പരാതിക്കാരിക്കെതിരെ നടത്തിയ പരാമര്‍ശങ്ങളിലാണ് അദ്ദേഹം ഖേദമറിയിച്ചത്. താന്‍ പറഞ്ഞത് ആര്‍ക്കെങ്കിലും എതിരായി നടത്തിയ പരാമര്‍ശമായി വ്യാഖ്യാനിക്കപ്പെട്ടിട്ടുണ്ടെങ്കില്‍ നിര്‍വ്യാജം ഖേദം പ്രകടിപ്പിക്കുകയാണ്. സ്ത്രീ വിരുദ്ധ പരാമര്‍ശമായി ചില കേന്ദ്രങ്ങള്‍ ദുഷ്പ്രചാരണം നടത്തുന്നത് ശരിയല്ല. ഈ ഗവണ്‍മെന്റ് ഇന്ന് ചെന്നുപെട്ടിരിക്കുന്ന പതനത്തിന്റെ ആഴം തെളിയിക്കാന്‍ മാത്രമാണ് അങ്ങനെ പറഞ്ഞത്. നിര്‍വ്യാജം ഖേദിക്കുന്നുവെന്ന് പറഞ്ഞാല്‍ കൂടുതല്‍ വിശദീകരിക്കേണ്ടതില്ല. ഖേദത്തിന് ശേഷം വിവാദമാക്കുന്നത് രാഷ്ട്രീയമായ ദുരുദ്ദേശമാണെന്നും […]