Author: Anwar Sadiq

തിരുവനന്തപുരം:അഖിലേന്ത്യാ മെഡിക്കല്‍ എന്‍ട്രന്‍സ് പരീക്ഷയില്‍ പട്ടികവര്‍ഗ വിഭാഗത്തില്‍ നിന്നും ഒന്‍പതാം റാങ്ക് നേടിയ അപ്പപ്പാറ നാഗമന കോളനിയിലെ ഉണ്ണി മന്ത്രി വീണ ജോർജിനെ സന്ദർശിച്ചു.എറണാകുളം മെഡിക്കല്‍ കോളേജിലെ എംബിബിഎസ് വിദ്യാര്‍ത്ഥിയാണ് ഉണ്ണി.നാഗമനയിലെ ആദ്യ ഡോക്ടറാകാന്‍ തയ്യാറെടുക്കുന്നതിനിടെയാണ് ഉണ്ണി തിരുവനന്തപുരത്തെത്തിയത്.ലോക്കല്‍ ഗാര്‍ഡിയനായ ഔസേപ്പച്ചനും ഉണ്ണിയോടാപ്പം ഉണ്ടായിരുന്നു.ഉണ്ണിയ്ക്ക് ആശംസകളും നേരുന്നതോടപ്പം ഉണ്ണിയുടെ പ്രയത്‌നവും സമര്‍പ്പണവും സമൂഹത്തിന് മാതൃകാപരമാണ് മന്ത്രി വീണ ജോർജ് പറഞ്ഞു.

പനമരം:പനമരം ഗ്രാമ പഞ്ചായത്ത് വാർഡ്-4 ചെറുകാട്ടൂരിൽ ജാഗ്രതസമിതി അംഗങ്ങൾക്കായി ക്ലാസ്സ്‌ സംഘടിപ്പിച്ചു.വാർഡ് മെമ്പറും പഞ്ചായത്ത്‌ വൈസ് പ്രസിഡന്റുമായ സിനോ പാറക്കാലായിൽ അധ്യക്ഷത വഹിച്ചു.തലപുഴ എ. എസ്‌.ഐ സാദിർ ക്ലാസ് എടുത്തു സംസാരിച്ചു.സീതാ ലക്ഷ്മി സ്വാഗതം പറഞ്ഞു. സൗജത്‌ ഉസ്മാൻ,ലിസി പത്രോസ്,ഹാജറ അഷ്‌റഫ്,ഹേമലത,ബിന്ദു വി ആർ,സണ്ണി ചെറുകാട്ട് എന്നിവർ സംസാരിച്ചു

എടവക:എടവക പഞ്ചായത്തിൽ പതിനാറാം വാർഡിൽ വീട്ടിച്ചാൽ പുളച്ചാൽ പ്രദേശത്തെ ജനവാസ കേന്ദ്രത്തിൽ പ്രവർത്തിക്കുന്ന പ്ലാൻറ് ഇരുന്നുറോളം വരുന്ന കുടുംബങ്ങൾ ബുദ്ധിമുട്ടായതിനാൽ പ്ലാന്റിതിരെ സമരവുമായി രംഗത്തിറങ്ങി. 2017 മുതൽ പ്രവർത്തനമാരംഭിച്ച പ്ലാൻറ് നിർത്തിവെക്കണമെന്ന് പല ഘട്ടങ്ങളിലായി നടന്ന സമരത്തിൽ സമര സമിതിയുമായി പഞ്ചായത്ത് ഭരണസമിതിയുമായും പോലീസുമായും പലപ്പോഴായി ചേർന്ന യോഗങ്ങളിൽ നിർത്തിവെക്കാൻ തീരുമാനമെടുക്കുകയും അതിനുള്ള ഉറപ്പുനൽകുകയും ചെയ്തിരുന്നു.എന്നാൽ നിലവിൽ എല്ലാ ഉറപ്പുകളും കാറ്റിൽ പറത്തിക്കൊണ്ട് പ്ലാൻറ് പ്രവർത്തിക്കുന്നത് ജനങ്ങളോടുള്ള വിശ്വാസവഞ്ചനയും ജനകീയ പ്രശ്നങ്ങളോടുള്ള വെല്ലുവിളിയുമാണെന്ന് സമരസമിതി പറഞ്ഞു. പ്ലാന്റിന്റെ […]

തലപ്പുഴ കമ്പമലയിൽ എൻ.ഐ.എ റെയ്ഡ്. അറസ്റ്റിലായ മാവോയിസ്റ്റ് നേതാവ് വിജി കൃഷ്ണമൂർത്തിക്ക് വാഹനമൊരുക്കിയ ജീപ്പ് ഡ്രൈവറുടെ വീട്ടിലാണ് റെയ്ഡ് നടന്നത്. മാവോയിസ്റ്റ് ബന്ധമുള്ള രേഖകൾ ലഭിച്ചതായും സൂചന.

മാനന്തവാടി:മാനന്തവാടി താലൂക്ക് എൻ.എസ്.എസ് യൂണിയൻ മന്നം സമാധി ദിനം ആചരിച്ചു.പുഷ്പാർച്ചനക്ക് യൂണിയൻ പ്രസിഡന്റ്‌ ഡോ.പി നാരായണൻ നായർ,എംപി ബാലകുമാർ,വിജയൻ തുണ്ടതിൽ,ദാമോദരൻ നായർ,സ്വദേശൻ നായർ, രമണി ടീച്ചർ,ബിന്ദു തുടങ്ങി നിരവധി പേർ പങ്കെടുത്തു.