Author: Anwar Sadiq

തരുവണ: തരുവണ നടക്കലില്‍ വെച്ച്മാരക മയക്കു മരുന്നായ എം.ഡി.എം.എ യുമായി യുവാവിനെ വെള്ളമുണ്ട പോലീസ് അറസ്റ്റ് ചെയ്തു. കെല്ലൂര്‍ അഞ്ചാം മൈല്‍ സ്വദേശി പറമ്പന്‍ വീട്ടില്‍ ഷംനാസ് എന്നയാളെയാണ് 2.9 ഗ്രാം എം.ഡി.എം.എ സഹിതം പിടികൂടിയത്. വെള്ളമുണ്ട പോലീസ് സ്റ്റേഷന്‍ സബ്ബ് ഇന്‍സ്പെക്ടര്‍ രാജീവ് കുമാര്‍.ടി, എ.എസ്.ഐ മൊയ്തു, സിവില്‍ പോലീസ് ഓഫീസര്‍ അബ്ദുള്‍ സലാം എന്നിവര്‍ അടങ്ങുന്ന സംഘമാണ് മയക്കുമരുന്ന് പിടികൂടിയത്. അറസ്റ്റ് ചെയ്തു കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

ലക്കിടി: മഴ നനയാം, പ്രകൃതിയെ അറിയാം എന്ന സന്ദേശവുമായി താമരശ്ശേരി ചുരത്തിൽ മഴയാത്ര സംഘടിപ്പിച്ചു.രണ്ടായിരത്തോളം കുട്ടികൾ പ്രകൃതിയെ കണ്ട് ചുരത്തിലൂടെ നടന്നിറങ്ങിവിവിധ പ്രകൃതി പരിസ്ഥിതി സംഘടനകളുടെ കൂട്ടായ്മയായ കേരള പ്രകൃതി സംരക്ഷണ ഏകോപന സമിതിയും ദർശനം സാംസ്കാരിക വേദിയും എനർജി മാനേജ്മെന്റ് സെന്റർ-കേരള, ദേശീയ ഹരിതസേന എന്നിവയുടെ സഹകരണത്തോടെയാണ് പ്രകൃതി ദർശന മഴ യാത്ര സംഘടിപ്പിച്ചത്.രാവിലെ 9 മണിയോടെ കോഴിക്കോട്, വയനാട്, മലപ്പുറം ജില്ലകളിൽ നിന്നുള്ള കുട്ടികളും അധ്യാപകരും ലക്കിടിയിലെ ഓറിയന്റൽ സ്കൂൾ ഓഫ് ഹോട്ടൽ മാനേജ്മെന്റ് […]

കൽപറ്റ: ആരോഗ്യ വകുപ്പിന്റെയും ആരോഗ്യകേരളത്തിന്റെയും കേരള സംസ്ഥാന എയ്ഡ്‌സ് നിയന്ത്രണ സൊസൈറ്റിയുടെയും ആഭിമുഖ്യത്തിൽ യുവജനങ്ങൾക്കായി മാരത്തൺ മത്സരം സംഘടിപ്പിച്ചു. സിവിൽ സ്റ്റേഷൻ പരിസരത്ത് നിന്ന് ആരംഭിച്ച മാരത്തോൺ ജില്ലാ കളക്ടർ ഡോ. രേണു രാജ് ഫ്ലാഗ് ഓഫ് ചെയ്തു. സുസ്ഥിര വികസന ആരോഗ്യലക്ഷ്യങ്ങളുടെ ഭാഗമായി പുതിയ എച്ച്.ഐ.വി അണുബാധ ഇല്ലാതാക്കാനും യുവജനങ്ങൾക്കിടയിൽ എച്ച്.ഐ.വി പ്രതിരോധ ബോധവൽക്കരണ പ്രവർത്തനങ്ങൾ ശക്തിപ്പെടുത്താനും ലക്ഷ്യമിട്ടാണ് പരിപാടി സംഘടിപ്പിച്ചത്.

കൽപറ്റ: കേരള വ്യാപാരി വ്യവസായി ഏകോപനസമിതി കൽപ്പറ്റ യൂണിറ്റ് കമ്മിറ്റി വ്യാപാര ദിനം ആചരിച്ചു. കൽപ്പറ്റ വ്യാപാര ദവൻ അങ്കണത്തിൽ പതാക ഉയർത്തി. യൂത്ത് വിങ് രക്തദാന ധർണയ ക്യാമ്പ് നടത്തി. വനിതാ വിങ് കിടപ്പ് രോഗസാമ്പത്തിക സഹായം നൽകി. യൂണിറ്റ് പ്രസിഡണ്ട് ഇ.ഹൈദ്രും,അധ്യക്ഷത വഹിച്ച യോഗത്തിൽ യൂണിറ്റ് ജനറൽ സെക്രട്ടറി കെ രഞ്ജിത്ത്, സ്വാഗതം പറഞ്ഞു. കെ കെ എസ് നായർ, എ പി. ശിവദാസൻ, പി.വി. അജിത്ത്, തനിമ അബ്ദുറഹിമാൻ, ഷാജി കല്ലടാസ്, യൂത്ത് […]