Author: Anwar Sadiq

ബത്തേരി: ഗുണ്ടാപ്രവര്‍ത്തനങ്ങള്‍ അമര്‍ച്ച ചെയ്യുന്നതിന്റെ ഭാഗമായി യുവാവിനെ കാപ്പ ചുമത്തി ജയിലിലടച്ചു. ബത്തേരി കുപ്പാടി സ്വദേശിയായ തയ്യിൽ വീട്ടിൽ സുബൈർ എന്ന സുബീർ(26)നെയാണ് ജയിലിലടച്ചത്. വയനാട് ജില്ലാ പോലീസ് മേധാവി പദം സിങ് ഐ.പി.എസ് സമര്‍പ്പിച്ച റിപ്പോര്‍ട്ടിന്‍റെ അടിസ്ഥാനത്തില്‍ വയനാട് ജില്ലാ കലക്ടറാണ് ഉത്തരവിറക്കിയത്. ജില്ലയിലെ വിവിധ പോലീസ് സ്റ്റേഷനുകളിലും, എക്സൈസ് വകുപ്പിന് കീഴിലും ഇയാൾ വിവിധ കേസുകളിൽ പ്രതിയാണ്. ബത്തേരി എസ്.എച്ച്.ഒ എം.എ. സന്തോഷിന്റെ നേതൃത്വത്തിലുള്ള പോലീസ് സംഘമാണ് ഇയാളെ അറസ്റ്റ് ചെയ്തത്.

വനിതാ ശിശു വികസന വകുപ്പ് അന്താരാഷ്ട്ര ബാലികാ ദിനത്തിനോടനുബന്ധിച്ച് ഹൈസ്ക്കൂൾ വിഭാഗം വിദ്യാർത്ഥിനികൾക്കായി നടത്തിയ ചിത്രരചനാ മത്സരത്തിൽ തെരഞ്ഞെടുക്കപ്പെട്ട 60 സ്ക്കൂളിൽ നിന്നും മികച്ച ചിത്രത്തിനുള്ള പ്രോത്സാഹന സമ്മാനത്തിന്തൃക്കൈപ്പറ്റ ഹൈസ്കൂൾ എട്ടാം ക്ലാസ്സ് വിദ്യാർത്ഥിനിയായ ആവണി അർഹയായി.തൃക്കൈപ്പറ്റ സി.എൻ. സുരേഷിന്റേയും അജിത സുരേഷിന്റേയും മകളാണ് ആവണി. വയനാട് ജില്ലാ കലക്ടറുടെ സാന്നിധ്യത്തിലുള്ള സദസിൽ വച്ച് സുൽത്താൻ ബത്തേരി ബ്ലോക്ക് ‘ പഞ്ചായത്ത് പ്രസിഡൻ്റില്‍ നിന്നും ആവണി, ഉപഹാരം ഏറ്റ് വാങ്ങി

കൽപ്പറ്റ: ഓൾ കേരള ടൂറിസം അസോസിയേഷൻ കൽപ്പറ്റയിൽ നടത്തിയ വയനാട് ടൂറിസം ബി.ടു. ബി. മീറ്റിന് മികച്ച പ്രതികരണം. വയനാടിന്റെ ടൂറിസം മേഖലയിലെ സംരംഭകരെല്ലാം പങ്കെടുത്ത മീറ്റിനോടനുബന്ധിച്ച ഈ മേഖലയിലെ വിവിധ സംരംഭകരുടെ സ്റ്റാളുകളും വിവിധ വിഷയങ്ങളെ അധികരിച്ച സെമിനാറുകളും നടന്നു. ആക്ടാ സംസ്ഥാന പ്രസിഡന്റ്അഡ്വക്കേറ്റ് ശിവ ശങ്കർ അധ്യക്ഷത വഹിച്ച യോഗത്തിൽ കൽപ്പറ്റ നഗരസഭ ചെയർമാൻ കേയം തൊടി മുജീബ് മീറ്റ് ഉദ്ഘാടനം ചെയ്തു. ടൂറിസം ഡെപ്യൂട്ടി ഡയറക്ടർ പ്രഭാത്, ഡി.ടി.പി.സി. സെക്രട്ടറി അജേഷ്, ഡി.ടി.പി.സി. […]