വനിതാ ഏകദിന ക്രിക്കറ്റ് ലോകപ്പിൽ ഇന്ത്യയ്ക്ക് തോൽവി. ആതിഥേയരായ ന്യൂസിലൻഡ് 62 റൺസിന് ഇന്ത്യയെ തോൽപ്പിച്ചു. മികച്ച ബാറ്റിംഗ് പുറത്തെടുത്ത അമി സറ്റർദ് വൈറ്റാണ് പ്ലെയർ ഓഫ് ദി മാച്ച്.
ആദ്യം ബാറ്റ് ചെയ്ത ന്യൂസിലൻഡ് നിശ്ചിത ഓവറിൽ 9 വിക്കറ്റ് നഷ്ടത്തിൽ 260 റൺസെടുത്തു. 75 റൺസെടുത്ത അമി സറ്റർദ് വൈറ്റാണ് കീവീസ് നിരയിലെ ടോപ് സ്കോറർ . അമേലിയ കെർ അർധസെഞ്ചുറി നേടി. ഇന്ത്യൻ നിരയിൽ പൂജ വസ്ട്രാർക്കർ 4 വിക്കറ്റ് വീഴ്ത്തി.
വിജയലക്ഷ്യവുമായി ഇറങ്ങിയ ഇന്ത്യ 46.4 ഓവറിൽ 198 റൺസിന് എല്ലാവരും പുറത്തായി. 71 റൺസെടുത്ത വൈസ് ക്യാപ്ടൻ ഹർമൻപ്രീത് കൌറാണ് ടോപ് സ്കോറർ. സ്മൃതി മന്ദാന 6 റൺസിനും ക്യാപ്റ്റൻ മിതാലി രാജ് 31 റൺസിനും പുറത്തായി. ന്യൂസിലൻഡ് നിരയിൽ ലീ തഹുഹുവും അമേലിയ കെറും 3 വിക്കറ്റ് വീതം വീഴ്ത്തി. 3 മത്സരങ്ങളിൽ കീവീസിന്റെ രണ്ടാം ജയമാണിത്. ശനിയാഴ്ച വിൻഡീസിനെതിരെയാണ് ഇന്ത്യയുടെ അടുത്ത മത്സരം.
