ദില്ലിയിൽ കൊവിഡ് കേസുകൾ കുത്തനെ വർധിക്കുന്നു. കഴിഞ്ഞ 24 മണിക്കൂറിനിടെ രാജ്യതലസ്ഥാനത്ത് 15,097 കേസുകൾ റിപ്പോർട്ട് ചെയ്തു. മെയ് മാസം എട്ടിനു ശേഷമുള്ള ഏറ്റവും കൂടിയ പ്രതിദിന കേസുകളാണ് ഇന്ന് റിപ്പോർട്ട് ചെയ്തിരിക്കുന്നത്.
പോസിറ്റിവിറ്റി നിരക്ക് 15 ശതമാനമായി കുതിച്ചുയർന്നു. ഇന്ന് ആറ് മരണം കൂടി റിപ്പോർട്ട് ചെയ്തിട്ടുണ്ട്. ആശുപത്രിയിൽ ചികിത്സ തേടുന്ന കൊവിഡ് രോഗികളുടെ എണ്ണവും ദിനംപ്രതി വർധിക്കുകയാണ്. ജനുവരി ഒന്നിന് കൊവിഡ് ബാധിച്ച് 247 പേരാണ് ചികിത്സ തേടിയിരുന്നതെങ്കിൽ ചൊവ്വാഴ്ച 531 പേർ ചികിത്സ തേടി.
