സോഷ്യല്‍ മീഡിയയില്‍ പങ്കുവെച്ച പോസ്റ്റിന് വന്ന കമന്റിന് നടി നവ്യ നായര്‍ നല്‍കിയ മറുപടിയാണ് വൈറലാകുന്നത്. റിമ കല്ലിങ്കല്‍, രമ്യ നമ്പീശന്‍, ഷബ്‌ന എന്നിവര്‍ക്കൊപ്പമുള്ള ചിത്രങ്ങളാണ് നവ്യ പങ്കുവെച്ചത്. ഈ ചിത്രത്തിനാണ് ”ഫെമിനിസ്റ്റാവരുത് ആളുകള്‍ വെറുക്കും” എന്ന കമന്റ് വന്നത്.കമന്റിന് മറുപടിയുമായി നവ്യയും രംഗത്തെത്തി. ”അങ്ങനെ ഒക്കെ പറയാമോ, ചെലോര്‍ടേത് റെഡിയാകും ചെലോര്‍ടേത് റെഡിയാകില്ല. എന്റേത് റെഡിയായില്ല” എന്നാണ് നവ്യ കുറിച്ചത്. പിന്നാലെ കമന്റും മറുപടിയും സോഷ്യല്‍ മീഡിയയില്‍ ചര്‍ച്ചയായി. നവ്യയ്ക്ക് പിന്തുണയുമായും നിരവധി പേര്‍ രംഗത്തെത്തി.
