തൃശൂര്‍ പഴയന്നൂരില്‍ യുവാവിനെ വെട്ടിക്കൊന്നു. ഒറ്റപ്പാലം സ്വദേശി റഫീഖാണ് കൊല്ലപ്പെട്ടത്. മൂന്നാഴ്ചയ്ക്കിടെ ഒമ്പത് കൊലപാതകങ്ങളാണ് തൃശൂരിലുണ്ടായത്.വാടക വീട്ടിലാണ് റഫീഖിനെ കൊല്ലപ്പെട്ട നിലയില്‍ കണ്ടത്. 32 വയസ്സായിരുന്നു.അയല്‍വാസികള്‍ അറിയിച്ചതിനെ തുടര്‍ന്ന് പൊലീസ് എത്തി പരിശോധിച്ചപ്പോഴാണ് റഫീഖ് കൊല്ലപ്പെട്ടത് കണ്ടത്.റഫീഖിനൊപ്പം താമസിച്ചിരുന്ന ഫാസില്‍ എന്ന ആള്‍ക്കും വെട്ടേറ്റിറ്റുണ്ട്. ഗുരുതരമായ പരിക്കേറ്റ ഇയാളെ ആശുപത്രിയില്‍ പ്രവേശിപ്പിച്ചു. കഞ്ചാവ് കേസിലെ പ്രതിയാണ് റഫീഖെന്നാണ് റിപ്പോര്‍ട്ട്. പണം കൈമാറുന്നതുമായി ബന്ധപ്പെട്ട് തര്‍ക്കമുണ്ടായിരുന്നതായും സംശയിക്കുന്നു.
