ഐ.പി.എല്‍ 13ാം സീസണില്‍ ഇന്ന് രാജസ്ഥാന്‍ റോയല്‍സ്-കൊല്‍ക്കത്ത നൈറ്റ് റൈഡേഴ്‌സ് പോരാട്ടം. ദുബായ് അന്താരാഷ്ട്ര സ്റ്റേഡിയത്തില്‍ നടക്കുന്ന മത്സരത്തില്‍ ടോസ് നേടിയ രാജസ്ഥാന്‍ കൊല്‍ക്കത്തയെ ബാറ്റിംഗിനയച്ചു. തുടര്‍ച്ചയായ മൂന്നാം മത്സരത്തിലും ജയം തുടരാന്‍ രാജസ്ഥാന്‍ ഇറങ്ങുമ്പോള്‍, റോയല്‍സിന്റെ വിജയ കുതിപ്പിന് കടിഞ്ഞാണിട്ട് സീസണിലെ രണ്ടാം ജയം നേടാനാണ് കൊല്‍ക്കത്തയുടെ ശ്രമം. കഴിഞ്ഞ മത്സരത്തിലിറങ്ങിയ ടീമിനെ തന്നെ നിലനിര്‍ത്തിയാണ് ഇരുടീമും റങ്ങുന്നത്.
