ഡിജിറ്റല്‍ മാധ്യമങ്ങളിലൂടെയാണ് വന്‍ തോതില്‍ വിദ്വേഷപ്രചാരണം നടക്കുന്നതെന്നും ആദ്യം അവയെയാണ് നിയന്ത്രിക്കേണ്ടതെന്നും കേന്ദ്രസര്‍ക്കാര്‍ സുപ്രീം കോടതിയില്‍. സുദര്‍ശന്‍ ടി.വിയുടെ യു.പി.എസ്.സി ജിഹാദ് പരിപാടിക്കെതിരായ കേസില്‍ സമര്‍പ്പിച്ച രണ്ടാം സത്യവാങ്മൂലത്തിലാണ് കേന്ദ്രം ഇക്കാര്യം ആവശ്യപ്പെട്ടത്. ആദ്യ സത്യവാങ്മൂലത്തിലും കേന്ദ്രം ഇതേ വാദമാണ് ഉന്നയിച്ചത്. സുദര്‍ശന്‍ ടിവി മുസ്ലീങ്ങളെ നിന്ദിക്കാന്‍ നോക്കിയെന്ന് നേരത്തേ സുപ്രീം കോടതി വ്യക്തമാക്കിയിരുന്നു.
