കൽപ്പറ്റഃ ഇന്ത്യൻ കൾച്ചറൽ ആൻഡ് ഹെറിറ്റേജ് സെൻററും, വയനാട് ജില്ല ലൈബ്രറി കൗൺസിലും ചേർന്ന് ഗോത്രവിഭാഗം വിദ്യാർഥികൾക്കു വേണ്ടി നടത്തിയ ചിത്രരചന മത്സരം വിജയികൾ ക്കുള്ള സമ്മാനദാനം കൽപ്പറ്റ ജില്ലാ ലൈബ്രറി കൗൺസിൽ ഹാളിൽ വച്ച് സംഘടിപ്പിച്ചു. ജില്ലയിലെ വിവിധ ലൈബ്രറികൾ, സ്കൂളുകളിൽ നിന്നായി ഇരുപതോളം ഗോത്ര വിഭാഗത്തിലെ വിദ്യാർത്ഥികൾആണ് ചിത്രരചനാ മത്സരത്തിൽ പങ്കെടുത്തത്. വിജയികളായ കുട്ടികൾക്ക് സർട്ടിഫിക്കറ്റും , ഉപഹാ രവും ജില്ലാ ലൈബ്രറി കൗൺസിൽ സെക്രട്ടറി പി. കെ. സുധീർ വിതരണം ചെയ്തു. ഗംഗാധരൻ മാസ്റ്റർ, ശിവരാമൻ പാട്ടത്ത്, എം. സദാനന്ദൻ, വിശാലാക്ഷി പ്രഭാകരൻ, സി. എം. സുമേഷ് എന്നിവർ നേതൃത്വം നൽകി.
