മാനന്തവാടി:പ്രസവത്തിനായി ആശുപത്രിയില്‍ പ്രവേശിപ്പിച്ച യുവതി ശുചിമുറിയില്‍ പ്രസവിച്ചു. കുഞ്ഞോം കല്ലറ ആദിവാസി കോളനിയിലെ 20 കാരിയാണ് ശുചിമുറിയില്‍ വെച്ച് കുഞ്ഞിന് ജന്മം നല്‍കിയത്. ജില്ലാ ആശുപത്രിയുടെ സാറ്റലൈറ്റ് കേന്ദ്രമായ മാനന്തവാടി സെന്റ് ജോസഫ്‌സ് മിഷന്‍ ആശുപത്രിയിലാണ് കഴിഞ്ഞ ദിവസം സംഭവം നടന്നത്. പ്രസവമുറിയില്‍ പ്രവേശിപ്പിക്കുന്നതിന് മുമ്പ് കോവിഡ് പരിശോധനാ ഫലത്തിനായി കാത്തിരിക്കുന്നതിനിടെ യുവതി മൂത്രമൊഴിക്കുന്നതിനായി ശുചി മുറിയിലേക്ക് പോകുകയും അവിടെ വെച്ച് പ്രസവിക്കുകയുമായിരുന്നു.
