മാനന്തവാടി: വള്ളിയൂർക്കാവ് കമ്മന അക്ഷരജ്യോതി വായനശാലയിൽ വെച്ച് കമ്മന കബനി വയോജന വേദി ഒന്നാം വാർഷികം സമുചിതമായി ആഘോഷിച്ചു. വയോജനങ്ങളുടെ ഉന്നമനം, കൂട്ടായ്മ എന്നിവ ലക്ഷ്യമാക്കിയും, വയോജനങ്ങൾ സമൂഹത്തിൽ നേരിടുന്ന വിവിധ വിഷയങ്ങൾ ചർച്ച ചെയ്യുന്നതിനു വേണ്ടിയാണ് വയോജന വേദി രൂപീകരിച്ചത്. എടവക ഗ്രാമ പഞ്ചായത്ത് പ്രസിഡണ്ട് എച്ച്.ബി.പ്രദീബ് മാസ്റ്റർ ഉദ്ഘാടനം ചെയ്യ്തു. കബനി വയോജന വേദി പ്രസിഡണ്ട് മേരി ജോർജ് അധ്യക്ഷത വഹിച്ചു. വാർഡ് മെമ്പർ ജെൻസി ബിനോയി മുഖ്യ പ്രഭാഷണം നടത്തി. എ.ഡി.എസ്.സെക്രട്ടറി രജനി അനീഷ്, എ.ഡി.എസ്.പ്രസിഡണ്ട് ദീപ ജോൺ, വി.വി.മത്തായി, ടി.രാമകൃഷ്ണൻ, പൗലോസ്.ഐ.ജെ, ഷിജു അബ്രഹാം, വർക്കി മാസ്റ്റർ, സക്കറിയ.പി.എ. എന്നിവർ സംസാരിച്ചു.
