തലപ്പുഴ:മാസ്‌ക് ധരിച്ചത് ശരിയായ രൂപത്തിൽ അല്ലെന്ന കാരണത്തിന് യുവാക്കള്‍ക്കു നേരെ തലപ്പുഴ പോലിസിന്റെ നര നായാട്ടെന്ന് പരാതി. നിസ്സാര പ്രശ്‌നത്തിന്റെ പേരില്‍ കസ്റ്റഡിയിലെടുത്ത രണ്ടു യുവാക്കളെയാണ് മണിക്കൂറുകളോളം പോലിസ് ഭീകരമായി മര്‍ദ്ദിച്ചതായി പരാതിയുള്ളത്.
പീച്ചംകോട് സ്വദേശികളായ ഇഖ്ബാല്‍(34) കുന്നക്കാടന്‍ ഷമീര്‍(39) എന്നിവര്‍ക്കാണ് പരിക്കേറ്റത്. സംഭവവുമായി ബന്ധപ്പെട്ട് മനുഷ്യാവകാശ കമ്മീഷനുള്‍പ്പെടെയുള്ളവര്‍ക്ക് പരാതി നല്‍കിയതായി ബന്ധുക്കള്‍ പറഞ്ഞു.
എന്നാല്‍ മാസ്‌ക് കൃത്യമായി ധരിക്കാത്തത് ചോദ്യം ചെയ്തതുമായി ബന്ധപ്പെട്ട് പോലീസിനെ ഭീഷണിപ്പെടുത്തുകയും, കൃത്യ നിര്‍വ്വഹണം തടസ്സപ്പെടുത്തുകയും ചെയ്തവരാണ് പ്രതികളെന്നും, ഇരുവരേയും റിമാണ്ട് ചെയ്തതായും പോലീസ് വ്യക്തമാക്കി.
