കൽപറ്റ : ജോയിൻ്റ് വോളൻ്ററി ആക്ഷൻ ഫോർ ലീഗൽ ആൾട്ടർനേറ്റീവ്സ്-ജ്വാലയും നാഷണൽ എൻ.ജി.ഒ കോൺഫഡറേഷനും സംയുക്തമായി നടപ്പിലാക്കുന്ന ഡിജിറ്റൽ ട്രാൻസ്ഫോർമേഷൻ പദ്ധതിയുടെ ഭാഗമായി +2 മുതൽ പ്രൊഫഷണൽ കോഴ്സുവരെ പഠിക്കുന്ന വിദ്യാർത്ഥികൾക്ക് 50% സബ്സിഡിയോടെയുള്ള ആദ്യഘട്ട ലാപ്ടോപ് വിതരണം നടത്തി.പദ്ധതിയുടെ ഉത്ഘാടനം കൽപറ്റ നിയോജക മണ്ഡലം എം.എൽ.എ അഡ്വ.ടി.സിദ്ധിഖ് നിർവ്വഹിച്ചു.നഗരസഭാ മുൻ ചെയർമാൻ അഡ്വ.പി. ചാത്തുക്കുട്ടി അധ്യക്ഷനായിരുന്നു.നഗരസഭാ കൗൺസിലർ ടി മണി, ജ്വാല എക്സിക്യുട്ടീവ് ഡയറക്ടർ സി.കെ.ദിനേശൻ, പ്രസിഡൻ്റ് പി.സി.ജോസ്, സതീഷ് കുമാർ പി.വി എന്നിവർ സംസാരിച്ചു.
