കൃഷ്ണഗിരി: ലോകത്തെ ആദ്യ ക്രിക്കറ്റ് തീം റിസോര്‍ട്ട് ‘ലോര്‍ഡ്സ് 83’, വയനാട് കൃഷ്ണഗിരി അന്താരാഷ്ട്ര ക്രിക്കറ്റ് സ്റ്റേഡിയത്തിനു സമീപം പ്രവര്‍ത്തനം ആരംഭിച്ചു. ഇന്ത്യന്‍ ക്രിക്കറ്റ് ടീമിന്റെ നിര്‍ണായകവും ചരിത്രപ്രധാനവുമായ ആദ്യ വേള്‍ഡ് കപ്പ് വിജയത്തിന്റെ സ്മരണാര്‍ഥം പണികഴിച്ചതാണ് റിസോര്‍ട്ട്. മോറിക്കാപ്പ് ഗ്രൂപ്പിന്റെ മൂന്നാമത്തെ പദ്ധതിയായ ‘ലോര്‍ഡ്സ് 83’ പൂര്‍ണമായും ലണ്ടനിലെ ലോര്‍ഡ്സ് സ്റ്റേഡിയത്തിന്റെ വാസ്തു മാതൃക അവലംബിച്ചാണ് തയാറാക്കിയത്. മോറിക്കാപ് ഗ്രൂപ്പ് ഓഫ് കമ്പനീസ് ചെയര്‍മാന്‍ നിഷിന്‍ തസ്‌ലിം സോഫ്റ്റ് ലോഞ്ച് നിര്‍വഹിച്ചു. സെപ്റ്റംബറില്‍ 1983 വേള്‍ഡ് കപ്പ് ടീം ക്യാപ്റ്റന്‍ കപില്‍ദേവിന്റെ സാന്നിധ്യത്തില്‍ ഉദ്ഘാടനം നടത്തും.
