ഗോത്രവര്‍ഗ്ഗ ഉദ്യോഗാര്‍ത്ഥികള്‍ക്കായി എംപ്ലോയ്മെന്റ് എക്സ്ചേഞ്ച് തൊഴില്‍ മാര്‍ഗ്ഗ നിര്‍ദേശ ക്യാമ്പ് രജിസ്ട്രേഷന് നടത്തി. കണിയാമ്പറ്റ പഞ്ചായത്ത്തല രജിസ്ട്രേഷന് ഗോത്ര വിദ്യാഭ്യാസ പ്രവര്‍ത്തകന്‍ മണിക്കുട്ടന്‍ ഉദ്ഘാടനം ചെയ്തു. കണിയാമ്പറ്റ ഗ്രാമപഞ്ചായത്ത് പ്രസിഡണ്ട് കമലാ രാമന്‍ അധ്യക്ഷത വഹിച്ചു. ചടങ്ങില്‍ ഉദ്യോഗാര്‍ത്ഥികള്‍ക്ക് പി.എസ്.സി പഠന സഹായികള്‍ വിതരണം ചെയ്തു. ഡിവിഷണല്‍ എംപ്ലോയ്മെന്റ് ഓഫീസര്‍ എം.ആര്‍. രവികുമാര്‍, ജില്ലാ എംപ്ലോയ്മെന്റ് ഓഫീസര്‍ ടി.പി ബാലകൃഷ്ണന്‍, വാര്‍ഡ് മെമ്പര്‍ ലത്തീഫ് മേമാടന്‍, ട്രൈബല്‍ എക്സ്റ്റന്‍ഷന്‍ ഓഫീസര്‍ കെ.എന്‍ സുനില്‍, എംപ്ലോയ്മെന്റ് ഓഫീസര്‍ അജിത്ത് ജോണ്‍, എംപ്ലോയ്മെന്റ് ഓഫീസര്‍മാരായ കെ. ആലിക്കോയ ടി .അബ്ദുള്‍ റഷീദ് തുടങ്ങിയവര്‍ സംസാരിച്ചു.
