ബത്തേരി: ബിജു എം.രാജ് സംവിധാനം നിർവ്വഹിച്ച് സി.സി.മാത്യു ചെരുവേലിക്കൽ കഥയും നിർമ്മാണവും ചെയ്ത മാത്തുക്കുട്ടിയുടെ വഴികൾ എന്ന സിനിമയുടെ ഓഡിയോ ലോഞ്ചിംഗ് ബത്തേരി കേരള അക്കാദമി ഓഫ് എഞ്ചിനീയറിംഗ് ഹാളിൽ നടത്തി. പ്രമുഖ സിനിമാ താരം അബു സലിമും കേരള അക്കാദമി ഓഫ് എഞ്ചിനീയറിംഗിലെ വിദ്യാർത്ഥികളും ചേർന്നാണ് ഓഡിയോ ലോഞ്ചിംഗ് നിർവ്വഹിച്ചത്. ബത്തേരി നഗരസഭ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ ടോം ജോസ് അധ്യക്ഷത വഹിച്ചു. സിനിമാ താരങ്ങളായ കൈലേഷ്, നൈറ നിഹാർ, അൽ സാബിത്ത് (കേശു ) തുടങ്ങിയവരും സാമൂഹ്യ-സാംസ്കാരിക-രാഷ്ട്രീയ രംഗത്തെ പ്രമുഖരും ചടങ്ങിൽ സംബന്ധിച്ചു.
