Category: General

മാനന്തവാടി:സമൂഹ മാധ്യമങ്ങളില്‍ ശ്രദ്ധേയമായി മാറിയ മാനന്തവാടിയുടെ ഗായിക രേണുകയെ കല്‍പ്പറ്റ എം.എല്‍.എ സി.കെ ശശീന്ദ്രനും ആദിവാസി ക്ഷേമസമിതി ജില്ലാ സെക്രട്ടറി വാസുദേവനും സന്ദര്‍ശിച്ച് അനുമോദിച്ചു. രേണുകയ്ക്ക് സമ്മാനമായി സ്മാര്‍ട്ട് ഫോൺ നല്‍കി. കെ.ടി.വിനു, ടി.കെ അനില്‍,കെ.പി.ശ്രീധരന്‍, നിസാര്‍ എന്നിവരും കൂടെയുണ്ടായിരുന്നു.

പൊഴുതന: ഡി.വൈ.എഫ്.ഐ പൊഴുതന മേഖലാ കമ്മിറ്റിയുടെ നേതൃത്വത്തിൽ സായൂജ് അനുസ്മരണ പരിപാടി സംഘടിപ്പിച്ചു. 2016 ജൂലൈ 25 ന് അകാലത്തിൽ വിടപറഞ്ഞ ഡി.വൈ.എഫ്.ഐ പ്രാദേശിക നേതാവും മികച്ച സംഘാടകനുമായിരുന്നു സായൂജ്.ഡി.വൈ.എഫ്.ഐ ജില്ലാ സെക്രട്ടറി കെ.റഫീഖ് ഉൽഘാടനം ചെയ്തു.പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ചടങ്ങിൽ അനുമോദിക്കുകയും ചെയ്തു .

പുലിക്കാട്ഃ എസ്.എസ്.എൽ.സി പരീക്ഷയിൽ ഉന്നത വിജയം നേടിയവരെ യൂത്ത് ലീഗ് ശാഖ കമ്മിറ്റി അനുമോദിച്ചു. ഷഫ്‌ന ഫാത്തിമയ്ക്ക് ഉപഹാരം നൽകി പി.കെ.ഷൗക്കത്തലി മാസ്റ്റർ ഉൽഘാടനം ചെയ്തു. അബ്ദുള്ള കുന്നത്ത്,ബഷീർ മൂലയിൽ, നാസർ കെ കെ, സുബൈർ ടി, ഹാരിസ് മൂലയിൽ, അജിനാസ് കാഞ്ഞായി തുടങ്ങിയവർ സംബന്ധിച്ചു

വെള്ളമുണ്ടഃ വയനാട്ടിൽ വംശനാശം നേരിടുന്ന പക്ഷികളെ കണ്ടെത്തി സംരക്ഷണ സന്ദേശം നൽകാൻ പക്ഷി നിരീക്ഷണം നടത്തി ലോക് ഡൗൺ ക്രിയാത്‌മകമാക്കുകയാണ് സി.കെ.ജഹാന ഇസ്സത്ത്. തന്റെ വീട്ടിലെ തൊടിയിൽ നിന്ന് ഡസൻ കണക്കിന് പക്ഷികളെ കണ്ടത്തി സവിശേഷതകൾ രേഖപ്പെടുത്തികൊണ്ടിരിക്കുകയാണ്.ഇതിനകം നടത്തിയ പഠനങ്ങൾ മാധ്യമ ശ്രദ്ധ പിടിച്ചു പറ്റിയിരിക്കുകയാണ്.കഴിഞ്ഞ എസ്‌.എസ്.എൽ.സി. പരീക്ഷയിൽ മുഴുവൻ എ പ്ലസ് നേടിയ ജഹാന വെള്ളമുണ്ട വില്ലേജ് ഓഫീസർ സി.കെ.റഷീദ്-സമീറ ദമ്പതികളുടെ മകളാണ്. പഠന പഠ്യേതര രംഗത്ത് മികവ് പുലർത്തുന്ന ജഹാന നാട്ടുകാർക്കും കൂട്ടുകാർക്കുമിടയിൽ ശ്രദ്ധേയമാവുകയാണ്.

കല്‍പ്പറ്റ: കേരള റീട്ടെയില്‍ ഫുട്‌വെയര്‍ അസോസിയേഷന്‍ കൽപ്പറ്റ മണ്ഡലം കമ്മിറ്റിയുടെ ആഭിമുഖ്യത്തില്‍ ഫുട്‌വെയര്‍ വ്യാപാരികളുടെ കുടുംബാംഗങ്ങളില്‍ നിന്നും SSLC, +2 പരീക്ഷകളില്‍ ഉന്നത വിജയം നേടിയവരെ ആദരിച്ചു. നിയോജകമണ്ഡലം പ്രസിഡന്‍റ് ഷമീം പാറക്കണ്ടി അദ്ധ്യക്ഷത വഹിച്ചു. ഷാജി കല്ലടാസ് ഉദ്ഘാടനം ചെയ്തു.ഷബീര്‍ , ലത്തീഫ് ,ബീരാന്‍കുട്ടി, ഹംസത്ത് , എം.ടി.സി.സുധി, ജലീല്‍ , അന്‍വര്‍, നാസര്‍, മേജോ, സലിം തുടങ്ങിയവര്‍ സംബന്ധിച്ചു.

വെള്ളമുണ്ട: ഒരു കാലത്ത് റോഡിന്റെ ദുർഘടാവസ്ഥയും വാഹനങ്ങളുടെ ലഭ്യത കുറവും കാരണം പഴമക്കാർ വാരാമ്പറ്റയെ വിശേഷിപ്പിക്കുന്ന പ്രയോഗമാണ് ”വാരാമ്പറ്റ പോയാൽപിന്നെ പോരാൻ പറ്റൂല”. കോട്ടയത്ത് കോവിഡ് രോഗം വന്ന് മരിച്ച ആളുടെ സംസ്കാര ചടങ്ങ് നാട്ടുകാർ തടഞ്ഞ വിവാദത്തിനിടയിൽ സ്വന്തം മഹല്ലോ ജില്ലയോ അല്ലാത്ത കോവിഡ് രോഗം ബാധിച്ചു മരിച്ച സ്ത്രീയുടെ സംസ്കാരം ഒറ്റകെട്ടായി നടത്തി മാനവികതയുടെ മാതൃകയായവാരാമ്പറ്റ നിവാസികളുടെ കരുതലിനും സ്നേഹത്തിനും മുന്നിൽ പഴയെ ചൊല്ലിന് പുതിയ അർത്ഥം വന്നിരിക്കുകയാണ്.

വെള്ളമുണ്ട: നാല് പതിറ്റാണ്ടുകളിലേറെയായി വെള്ളമുണ്ടയുടെ പ്രഭാതങ്ങളെ വാർത്തകളാൽ വരവേറ്റു കൊണ്ടിരിക്കുകയാണ് പുത്തൂർ മമ്മൂട്ടിക്ക. മഴയും മഞ്ഞും കാറ്റും തണുപ്പും പേമാരിയും പ്രളയവും ഇതാ ഇപ്പോൾ കോവിഡ് മഹാമാരി വന്നിട്ടും ഒരു ദിവസം പോലും മുടങ്ങാതെ പുലർച്ചെ എഴുന്നേറ്റ് പത്ര കെട്ടുകൾ സ്വീകരിച്ചു നാട്ടുകാർക്ക് എത്തിച്ചു നൽകുന്ന ജോലിയിൽ വ്യാപൃതനാണ്. മൊബൈലും ഇന്റർനെറ്റുമില്ലാതിരുന്ന കാലത്ത് കിലോ മീറ്ററുകൾ നടന്ന് വാർത്തകൾ കൽപ്പറ്റയിലെ ബ്യൂറോകളിലെത്തിക്കുമായിരുന്ന മമ്മൂട്ടിക്ക നിറ പുഞ്ചിരിയോടെ നാട്ടുകാർക്കിടയിൽ ഇന്നും സജീവമാണ്.