Category: General

മേപ്പാടിഃ സർക്കാരിന്റ വിത്ത്, പ്രകൃതിയുടെ തലോടൽ,ജോഷിയുടെ പരിചരണം. കുമ്പളങ്ങയുടെ വളർച്ച ഞെട്ടിച്ചിരിക്കുന്നു. കേരള സർക്കാർ സൗജന്യമായി വിതരണം ചെയ്ത പച്ചക്കറി വിത്തിൽ നിന്ന് ലോകത്തിലെ തന്നെ ഏറ്റവും വലിയതും ഭാരമുള്ളതെന്നും വിലയിരുത്തപ്പെടുന്ന ഇളവൻ കുമ്പളങ്ങ വിളയിച്ചു കൊണ്ട് അത്ഭുതം സൃഷ്ടിച്ചിരിക്കുകയാണ് വയനാട് മേപ്പാടി ജോഷിയുടെ കൃഷിയിടം. ചാണക വളം ഉപയോഗിച്ച് ജൈവരീതിയിൽ കൃഷി ചെയ്ത് ഉണ്ടായ 18.400 തൂക്കമുള്ള കുമ്പളങ്ങ ഇതിനകം ലോക ശ്രദ്ധ ആകർഷിച്ചിരിക്കുകയാണ്.

ഭയത്തിനും ആശങ്കക്കും കാത്തിരിപ്പിനും ആശ്വാസ വാര്‍ത്തകൾ വന്ന് തുടങ്ങി . കോവിഡ് പ്രതിരോധ വാക്സിൻ ഉടൻ വിപണിയിലെത്തുമെന്ന് സിറം ഇൻസ്റ്റിറ്റ്യൂട്ട്. മൂന്നാം ഘട്ട പരീക്ഷണം വിജയിച്ചാൽ വിപണിയിലെത്തിക്കുന്നത് വൈകില്ലെന്ന് ഇൻസ്റ്റിറ്റ്യൂട്ട് ഡയറക്ടർ പുരുഷോത്തമൻ സി നമ്പ്യാർ അറിയിച്ചു. ഇന്ത്യയിൽ മനുഷ്യരിൽ പരീക്ഷണം നടത്താൻ കേന്ദ്രത്തിന്റെ അനുമതി തേടിയിട്ടുണ്ട്. പരീക്ഷണം തുടങ്ങി നാൽപ്പത്തി രണ്ടാം ദിവസം ഫലം അറിയാനും കഴിയും. ഏതായാലും പ്രതീക്ഷ നൽകുന്ന വിവരങ്ങളാണ് വിവിധ ഗവേഷണ സ്ഥാപനങ്ങളിൽ നിന്നും അറിയാൻ കഴിയുന്നത്.

സുൽത്താൻ ബത്തേരി: കോവിഡ് സാഹചര്യത്തിൽഒരാൾ പോലും വരുത്തുന്ന വീഴ്ച വലിയ ദുരന്തം സൃഷ്ടിച്ചേക്കാംഎന്ന് എപ്പോളും ഓർക്കുക.ജാഗ്രത ശക്തമാക്കേണ്ട ദിനങ്ങളാണ് വരാൻ പോകുന്നതെന്നും ഐ.സി.ബാലകൃഷ്ണൻ എം.എൽ എ പറഞ്ഞു. ഞാനും എന്റെ കുടുംബവും ഈ മഹാമാരിയെ പകർത്തുന്നതിൽ നിന്നും വിട്ടു നിൽക്കുമെന്ന് ഓരോ വ്യക്തിയും പ്രതിജ്ഞ എടുക്കേണ്ടതുണ്ട്‌. ജാഗ്രത തുടരണമെന്നും അദ്ദേഹം പറഞ്ഞു.

മാനന്തവാടി: നാട്ടിൽ സമ്പർക്കം മുഖേനയുള്ള കോവിഡ്-19 കേസുകൾ കൂടി വരുന്ന സാഹചര്യത്തിൽ വലിയ ജാഗ്രത പുലർത്തേണ്ടതുണ്ട്. ശാരീരിക അകലം, മാസ്ക്ക്, കൈകൾ സാനിറ്റൈസറോ സോപ്പോ ഉപയോഗിച്ചു ശുചിയാക്കൽ തുടങ്ങിയവ ചിട്ടയോടെ പാലിച്ചാൽ മാത്രമേ, ഈ മഹാമാരിയെ നമുക്ക് ചെറുക്കാൻ കഴിയുകയുള്ളൂ ഒ.ആർ.കേളു എം.എൽ.എ.പറഞ്ഞു.