Category: General

മാനന്തവാടി :കേന്ദ്ര സംസ്ഥാന സർക്കാറുകളുടെ സംയുക്ത സംരംഭമായ റൂസ പദ്ധതിയുടെ ഭാഗമായി തലപ്പുഴ ബോയ്സ് ടൗണിൽ അനുവദിച്ച ഡിഗ്രി കോളേജിന് ബന്ധപ്പെട്ടവർ സ്ഥലം കൈമാറിയ നടപടി അഭിനന്ദനാർഹമാണെന്ന് കാംപസ് ഫ്രണ്ട് വയനാട് ജില്ലാ കമ്മിറ്റി.കോളേജിന്റെ തുടർ നടപടികൾ എത്രയും വേഗത്തിൽ ആരംഭിക്കണമെന്നും കമ്മിറ്റി ആവശ്യപ്പെട്ടു

വെള്ളമുണ്ടഃ വയനാട്ടിൽ വംശനാശം നേരിടുന്ന പക്ഷികളെ കണ്ടെത്തി സംരക്ഷണ സന്ദേശം നൽകാൻ പക്ഷി നിരീക്ഷണം നടത്തി ലോക് ഡൗൺ ക്രിയാത്‌മകമാക്കുകയാണ് സി.കെ.ജഹാന ഇസ്സത്ത്. തന്റെ വീട്ടിലെ തൊടിയിൽ നിന്ന് ഡസൻ കണക്കിന് പക്ഷികളെ കണ്ടത്തി സവിശേഷതകൾ രേഖപ്പെടുത്തികൊണ്ടിരിക്കുകയാണ്.ഇതിനകം നടത്തിയ പഠനങ്ങൾ മാധ്യമ ശ്രദ്ധ പിടിച്ചു പറ്റിയിരിക്കുകയാണ്.കഴിഞ്ഞ എസ്‌.എസ്.എൽ.സി. പരീക്ഷയിൽ മുഴുവൻ എ പ്ലസ് നേടിയ ജഹാന വെള്ളമുണ്ട വില്ലേജ് ഓഫീസർ സി.കെ.റഷീദ്-സമീറ ദമ്പതികളുടെ മകളാണ്. പഠന പഠ്യേതര രംഗത്ത് മികവ് പുലർത്തുന്ന ജഹാന നാട്ടുകാർക്കും കൂട്ടുകാർക്കുമിടയിൽ ശ്രദ്ധേയമാവുകയാണ്.

കല്‍പ്പറ്റ: കേരള റീട്ടെയില്‍ ഫുട്‌വെയര്‍ അസോസിയേഷന്‍ കൽപ്പറ്റ മണ്ഡലം കമ്മിറ്റിയുടെ ആഭിമുഖ്യത്തില്‍ ഫുട്‌വെയര്‍ വ്യാപാരികളുടെ കുടുംബാംഗങ്ങളില്‍ നിന്നും SSLC, +2 പരീക്ഷകളില്‍ ഉന്നത വിജയം നേടിയവരെ ആദരിച്ചു. നിയോജകമണ്ഡലം പ്രസിഡന്‍റ് ഷമീം പാറക്കണ്ടി അദ്ധ്യക്ഷത വഹിച്ചു. ഷാജി കല്ലടാസ് ഉദ്ഘാടനം ചെയ്തു.ഷബീര്‍ , ലത്തീഫ് ,ബീരാന്‍കുട്ടി, ഹംസത്ത് , എം.ടി.സി.സുധി, ജലീല്‍ , അന്‍വര്‍, നാസര്‍, മേജോ, സലിം തുടങ്ങിയവര്‍ സംബന്ധിച്ചു.

വെള്ളമുണ്ട: ഒരു കാലത്ത് റോഡിന്റെ ദുർഘടാവസ്ഥയും വാഹനങ്ങളുടെ ലഭ്യത കുറവും കാരണം പഴമക്കാർ വാരാമ്പറ്റയെ വിശേഷിപ്പിക്കുന്ന പ്രയോഗമാണ് ”വാരാമ്പറ്റ പോയാൽപിന്നെ പോരാൻ പറ്റൂല”. കോട്ടയത്ത് കോവിഡ് രോഗം വന്ന് മരിച്ച ആളുടെ സംസ്കാര ചടങ്ങ് നാട്ടുകാർ തടഞ്ഞ വിവാദത്തിനിടയിൽ സ്വന്തം മഹല്ലോ ജില്ലയോ അല്ലാത്ത കോവിഡ് രോഗം ബാധിച്ചു മരിച്ച സ്ത്രീയുടെ സംസ്കാരം ഒറ്റകെട്ടായി നടത്തി മാനവികതയുടെ മാതൃകയായവാരാമ്പറ്റ നിവാസികളുടെ കരുതലിനും സ്നേഹത്തിനും മുന്നിൽ പഴയെ ചൊല്ലിന് പുതിയ അർത്ഥം വന്നിരിക്കുകയാണ്.

വെള്ളമുണ്ട: കോവിഡ് കാല ദുരിതമനുഭവിക്കുന്ന പ്രദേശത്തെ നൂറ്റിയമ്പതോളം കുടുംബങ്ങൾക്ക്ഭക്ഷണകിറ്റ് നൽകി വെള്ളമുണ്ട സിറ്റി യൂത്ത് ലീഗ് മാതൃകയായി. യൂത്ത് ലീഗ് ജില്ലാ പ്രസിഡൻ്റ് കെ ഹാരിസ് ഉൽഘാടനം ചെയ്തു. അസീസ് വെള്ളമുണ്ട, പി കെ അമീൻ, സലാം പി കെ, ഉസ്മാൻ മൗലവി,റഫീക്ക് കെ.കെ.സി, ടി നാസർ, മോയി പി, ഷൗക്കത്തലി മൗലവി,ഇസ്മായിൽ കെ, റസാക്ക് കെ.കെ.സി,ഹാരിസ് മിന്നൻക്കോടൻ, യൂനസ്, ഷഹീർ.കെ,അഷ്കർ കൊച്ച, തുടങ്ങിയവർ സംബന്ധിച്ചു.

വെള്ളമുണ്ട: പോളിയോ രോഗം ഇരു കാലുകളും തളർത്തികൊണ്ട് മൂന്നാം വയസ്സിൽ വിധി തന്റെ ജീവിതത്തിൽ ലോക്ക് ഡൗൺ പ്രഖ്യാപിച്ചിട്ടും കീഴടങ്ങാതെ അതിജീവനത്തിന്റെ സന്ദേശം നൽകിയ മാതൃകാ കർഷകയാണ് കുംഭമ്മ.പിന്നീട്‌ കാൻസർ വന്ന് മാറിടം എടുത്തു കളഞ്ഞിട്ടും ജീവിതത്തിന്റെ റെഡ് സോണിനെയും മറികടന്നു.ഏറ്റവും നല്ല കർഷകക്കുള്ള രാജ്യത്തെ മികച്ച പുരസ്കാരങ്ങൾ ലഭിച്ച കുംഭാമ്മ കോവിഡ് കാലത്തും തന്റെ ബാണാസുരൻ മലയുടെ താഴ് വാരത്തെ കൃഷിയിടത്തിൽ സജീവമാണ്.

കൽപ്പറ്റഃ നേരം വെളുക്കുന്നത് മുതൽ അർദ്ധരാത്രിവരെ 9446891227 എന്ന നമ്പർ മഹാമാരിയുടെ ദുരിതമനുഭവിക്കുന്ന പാവങ്ങൾക്ക് വേണ്ടി എൻഗേജ് ആണ്‌. കൽപ്പറ്റ എം.എൽ.എ. സി.കെ.ശശീന്ദ്രന്റെ ഫോണിന് വിശ്രമമേയില്ല.ഒരു മിസ്ഡ് കോൾ കണ്ടാൽ പോലും തിരിച്ചു വിളിക്കും. കോവിഡ് കാലത്തുംനഗ്നപാദനായി ജനങ്ങളുടെ പ്രയാസങ്ങൾ പരിഹരിക്കുന്ന തിരക്കിലാണ്. കഷ്ടപ്പെടുന്നവന്റെയും വിയർപ്പൊഴുക്കുന്നവന്റെയും വേദനയറിയുന്ന വയനാടൻ എ.കെ.ജി. പൊതു പ്രവർത്തകർക്കാകെ മാതൃകയാണ്.

മീനങ്ങാടി:കോൺഗ്രസ് എസ് ജില്ലാ കമ്മിറ്റി എറണാകുളം ഡിവൈൻ കമ്പനിയുമായി സഹകരിച്ച് മീനങ്ങാടി പഞ്ചായത്തിലെ മണങ്ങുവയൽ കോളനിയിലെ വിദ്യാർത്ഥികൾക്ക് ടിവി നൽകി. ജില്ലാ പ്രസിഡന്റ് കെ.പി.ശശികുമാർ, സംസ്ഥാന സെക്രട്ടറി പി.കെ.ബാബു എന്നിവർ സംബന്ധിച്ചു.