Author: Wide Live Desk

തുര്‍ക്കിയിലും ഗ്രീസിലുമുണ്ടായ ഭൂചലനത്തില്‍ തകര്‍ന്ന കെട്ടിടാവശിഷ്ടങ്ങള്‍ക്കിടയില്‍ കുടുങ്ങിയ മൂന്ന് വയസ്സുകാരിയെ 65 മണിക്കൂറിന് ശേഷം അത്ഭുതകരമായി രക്ഷപ്പെടുത്തി. ഭൂലനമുണ്ടായി മൂന്നാം ദിവസം നടത്തിയ തിരച്ചിലിലാണ് അഗ്നിശമന സേനാംഗം മുആമ്മിര്‍ സെലി കുട്ടിയെ കണ്ടെത്തിയത്. അവശിഷ്ടങ്ങള്‍ക്കിടയില്‍ അനക്കമില്ലാതെ പൊടിയില്‍ പൊതിഞ്ഞ് കിടക്കുകയായിരുന്നു എലിഫ് പെരിന്‍സെക് എന്ന പെണ്‍കുട്ടിയെന്ന് സെലി പറയുന്നു. കുഞ്ഞ് മരിച്ചുകിടക്കുകയാണെന്നായിരന്നു രക്ഷാപ്രവര്‍ത്തകര്‍ ആദ്യം കരുതിയത്. എന്നാല്‍ പുറത്തെടുത്തപ്പോള്‍ അവള്‍ കണ്ണ് തുറക്കുകയും രക്ഷാപ്രവര്‍ത്തകരുടെ കൈകളില്‍ പിടിക്കുകയുമായിരുന്നു. കണ്ണുകളെ വിശ്വസിക്കാനാകാതെ രക്ഷാപ്രവര്‍ത്തകര്‍ അത്ഭുതപ്പെട്ട നിമിഷമായിരുന്നു അത്.

ഓസ്ട്രിയന്‍ തലസ്ഥാന നഗരമായ വിയന്നയില്‍ ഭീകരാക്രമണം. സെന്‍ട്രല്‍ വിയന്നയിലെ ആറിടങ്ങളിലുണ്ടായ വെടിവെപ്പില്‍ രണ്ടു പേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റു. വിയന്നയിലെ സെന്‍ട്രല്‍ സിനഗോഗിന് സമീപമാണ് ആക്രമണമുണ്ടായത്. സിനഗോഗാണോ അക്രമികള്‍ ലക്ഷ്യം വെച്ചതെന്ന് വ്യക്തമല്ല. അക്രമികളില്‍ ഒരാള്‍ കൊല്ലപ്പെട്ടതായും റിപ്പോര്‍ട്ടുകളുണ്ട്. കൊറോണ വ്യാപനം തടയാന്‍ ഓസ്ട്രിയ പുതിയ ദേശീയ നിയന്ത്രണങ്ങള്‍ ഏര്‍ പ്പെടുത്തുന്നതിനു മണിക്കൂറുകള്‍ക്ക് മുമ്പാണ് ആക്രമണം നടന്നത്. നവംബര്‍ അവസാനം വരെ അടച്ചിടാനിരിക്കെ ബാറുകളിലും റസ്റ്റോറന്റുകളിലും നല്ല തിരക്ക് അനുഭവപ്പെട്ടിരുന്നു

ടിയാൻജിൻ: വടക്കൻ ചൈനയിലെ ടിയാൻജിനിൽ റെയിൽവേ പാലം തകർന്ന് എട്ട് പേർ മരിച്ചു. ടിയാൻജിനിലെ ബിൻഹായ് ന്യൂ ഏരിയയിലെ 30 മീറ്ററിലധികം നീളമുള്ള പാലത്തിൽ അറ്റകുറ്റപ്പണി നടക്കുന്ന സമയത്താണ് അപകടം നടന്നത്.നാൻ‌ഹുവാൻ റെയിൽ‌വേയുടെ ഭാഗമായ ബിൻ‌ഹായ് നദിക്ക് മുകളിലൂടെ കടന്ന് പോകുന്ന പാലമാണ് തകർന്നത്.അപകടത്തിൽ പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്. സംഭവത്തെ കുറിച്ച് ടിയാൻജിൻ പ്രവിശ്യ അധികൃതർ അന്വേഷണത്തിന് ഉത്തരവിട്ടിട്ടുണ്ട്.