Author: Anwar Sadiq

പുൽപള്ളി : സംസാരിക്കുന്ന സാന്താക്ലോസിനെ നിര്‍മിച്ച് പഴശ്ശിരാജ കോളേജ് മാസ്സ് കമ്മ്യൂണിക്കേഷന്‍ & ജേർണലിസം വിഭാഗം വിദ്യാര്‍ത്ഥികള്‍.ആര്‍ട്ടിഫിഷ്യല്‍ ഇന്റലിജെന്‍സിന്റേയും നൂതന സാങ്കേതികവിദ്യയുടേയും സഹായത്തോടെയാണ് വിദ്യാര്‍ത്ഥികളും അധ്യാപകരും ഇതിന്റെ നിര്‍മ്മാണം പൂര്‍ത്തിയാക്കിയത്. കോളേജ് പ്രിന്‍സിപ്പാള്‍ ഡോ. അനില്‍കുമാര്‍ കെ സ്വിച്ച് ഓണ്‍ കര്‍മ്മം നിര്‍വ്വഹിച്ചു. കോളേജ് സി.ഇ.ഒ ഫാ. വര്‍ഗീസ് കൊല്ലമാവുടി, സ്റ്റാഫ് സെക്രട്ടറി അബ്ദുള്‍ ബാരി എന്നിവര്‍ സന്നിഹിതരായിരുന്നു. ടോക്കിംഗ് സാന്റയെ നിര്‍മ്മിച്ച വിദ്യാര്‍ത്ഥികളെയും അധ്യാപകരെയും പ്രിന്‍സിപ്പല്‍ അഭിനന്ദിച്ചു. വിദ്യാര്‍ത്ഥികളായ അക്ഷയ് ധന്‍ ജോഷി, സച്ചിന്ത് പി.കെ, […]

വെള്ളമുണ്ട: പി.ടി. തോമസ് എം.എൽ.എ.യുടെ നിര്യാണത്തിൽ ഇന്ത്യൻ നാഷണൽ കോൺഗ്രസ് വെള്ളമുണ്ട മണ്ഡലം കമ്മറ്റിയുടെ നേതൃത്വത്തിൽ സർവ്വകക്ഷി അനുശോചന സമ്മേളനം നടത്തി.യോഗത്തിൽ ജില്ലാ പഞ്ചായത്തംഗം ജുനൈദ് കൈപ്പാണി, പി. ചന്ദ്രൻ ,എം മുരളി മാസ്റ്റർ, പി.കെ. അമീൻ, സി.എം അനിൽകുമാർ, മo ഗലശേരി മാധവൻ മാസ്റ്റർ, കെ.എം പ്രകാശൻ, മൊയ്തു ബാലുശേരി, ടി.കെ. മമ്മൂട്ടി, ഷാജി ജേക്കബ്, പി.സി. റെജി തുടങ്ങിയവർ സംസാരിച്ചു.

പനമരം: ജില്ലാനെറ്റ് ബോള്‍ അസോസിയേഷന്‍ സംഘടിപ്പിച്ച വയനാട് ജില്ല മിനിനെറ്റ് ചാംപ്യന്‍ഷിപ്പില്‍ ആണ്‍കുട്ടികളുടെ വിഭാഗത്തില്‍ ജിഎച്ച്എസ്എസ് പനമരം ജേതാക്കളായി. പനമരം ക്രസന്റ് പബ്ലിക് സ്‌കൂളില്‍ വെച്ച് നടന്ന ഫൈനലില്‍ ജിഎച്ച്എസ്എസ് കല്‍പ്പറ്റയെയാണ് പരാജയപ്പെടുത്തിയത്. തുടര്‍ച്ചയായി രണ്ടാം തവണയാണ് ജില്ലാ മിനിബോള്‍ ചാമ്പ്യന്‍ഷിപ്പില്‍ ജിഎച്ച്എസ്എസ് പനമരം ജേതാക്കളാകുന്നത്. സ്‌കൂളിലെ കായികാധ്യാപകനായ നവാസ്.ടി, നീതു കെ, കോച്ച് സുജിത്ത് എന്നിവരുടെ നേതൃത്വത്തിലാണ് ടീം പരിശീലനം നടത്തുന്നത്.

വെള്ളമുണ്ട പഞ്ചായത്തിൻ്റെയും കുടുംബശ്രീയുടെയും ആഭിമുഖ്യത്തിൽ ക്രിസ്തുമസ് -പുതുവത്സര ചന്ത ആരംഭിച്ചു. പഞ്ചായത്ത് പ്രസിഡന്റ് സുധി രാധകൃഷ്ണൻ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സൽമത്ത് ഇ കെ അധ്യക്ഷത വഹിച്ചു. അസിസ്റ്റന്റ് സെക്രട്ടറി അജയ് ഘോഷ്, സിഡിഎസ് ചെയർപേഴ്സൺ സൗദ എന്നിവർ സംസാരിച്ചു. സീനത്ത്, ഹൈറുനിസ സിഡിഎസിൻ്റെ ചുമതലയുള്ള എം.ഇ.സിമാർ എന്നിവർ പരിപാടിക്ക് നേതൃത്വം നൽകി.