Author: Anwar Sadiq

ചെറുകാട്ടൂർ:പനമരം ഗ്രാമപഞ്ചായത്ത്‌ 4 വാർഡിൽ തൊഴിലുറപ്പ് പദ്ധതിയിൽ 10 ലക്ഷം മുതൽമുടക്കി നിർമിച്ച കോൺക്രീറ്റ് റോഡിന്റെ ഉദ്ഘാടനം വാർഡ് മെമ്പറും പഞ്ചായത്ത്‌ വൈസ് പ്രസിഡന്റുമായ സിനോ പാറക്കാലായിൽ നിർവഹിച്ചു.ആന്റണി വെള്ളാക്കുഴി അധ്യക്ഷത വഹിച്ചു.പനമരം ക്ഷീരസംഘം പ്രസിഡന്റ്‌ ഇ. ജെ സെബാസ്റ്റ്യൻ,ബിജു മൂലക്കര,ജോണി നടുത്തറപ്പിൽ, സീത എന്റെ വീട്,ഷാജി നടുത്തറപ്പിൽ, ബേബി നെല്ലേടത്,ജോസ് എന്നിവർ നേതൃത്വം നൽകി.

മാനന്തവാടി:പാസ്ഫിയെസ്റ്റയുടെ ഭാഗമായി സംഘടിപ്പിച്ച പാണ്ടിക്കടവ് ഫുട്ബാൾ ലീഗിന് സമാപനം.പാസ്ക് പാണ്ടി ക്കടവ് ജേതാക്കളയി. സമാപന ചടങ്ങ് എടവക പഞ്ചായത്ത് പ്രസിഡന്റ് എച്ച്.ബി പ്രദീപൻ മാസ്റ്റർ ഉദ്ഘാടനം ചെയ്തു. സംസ്ഥാന സ്പോർട്സ് കൗൺസിൽ അംഗം കെ. റഫീഖ് മുഖ്യാതിഥിയായിരുന്നു. കെ.ഇ വിജയൻ,വിനോദ് തോട്ടത്തിൽ, ഷിഹാബ് മലബാർ, കുഞ്ഞുമുഹമ്മദ് വിൻ സ്പോട്ട്, ഷബാന യാസ്മിൻ,അബ്ദുള്ള ആയങ്കി,ഷനൂബ് കെ, സാജിദ് എ.പി തുടങ്ങിവർ പങ്കെടുത്തു.

വെങ്ങപ്പള്ളി:വെങ്ങപ്പള്ളി ഗ്രാമ പഞ്ചായത്തിൽ ജൽ ജീവൻ മിഷൻ പ്രവർത്തനങ്ങളുടെ ഭാഗമായി നടത്തിയ പഞ്ചായത്ത് ജനപ്രതിനിധികള്‍ക്കും സാമൂഹിക രാഷ്ട്രീയ നേതാക്കള്‍ക്കുളള ശില്പശാല പഞ്ചായത്ത് പ്രസിഡന്‍റ് ശ്രീമതി ഇ കെ രേണുക ഉദ്ഘാടനം ചെയ്തു. വൈസ് പ്രസിഡന്‍റ് നാസർ എം അദ്ധ്യക്ഷനായി. കേന്ദ, സംസ്ഥാന, ഗ്രാമപഞ്ചായത്ത്, ഗുണഭോക്താക്കൾ എന്നിവരുടെ കൂട്ട് ഉത്തരവാദിത്വത്തിൽ നടപ്പിലാക്കുന്ന ബൃഹത്തായ കുടിവെള്ള പദ്ധതിയാണ് ഇവിടെ പ്രവർത്തനങ്ങൾ ആരംഭിച്ചിട്ടുള്ളത്. കേരള വാട്ടർ അതോറിറ്റിയാണ് പദ്ധതിയുടെ നിർവഹണം നടത്തുന്നത്. കുടിവെള്ളം ആവശ്യമായ ഏതൊരു ഭവനത്തിനും പൈപ്പുവഴി സ്ഥിരമായി ശുദ്ധജലം […]