പൂക്കോട്: പൂക്കോട് ഏകലവ്യ മോഡൽ റസിഡൻഷ്യൽ സ്കൂളിലെ വിദ്യാർത്ഥികൾ പുള്ളെഴുത്ത് എന്ന പേരിൽ തയ്യാറാക്കിയ കയ്യെഴുത്തു മാസികയുടെ പ്രകാശനം സുരേഷ് ഗോപി എം.പി നിർവഹിച്ചു. ബിരുദ പഠന കാലത്ത് ചക്കപ്പഴം എന്ന പേരിൽ കൈയ്യെഴുത്തു മാസിക പ്രസിദ്ധീകരിച്ചതിൻ്റെ വിശേഷങ്ങൾ അദ്ദേഹം കൂട്ടികളുമായി പങ്കുവച്ചു. എൻ ഊരി ലേക്കുള്ള യാത്രക്കിടയിലാണ് അദ്ദേഹം വിദ്യാർത്ഥികളുടെ അഭ്യർത്ഥനപ്രകാരം സ്കൂളിൽ എത്തിയത്. സ്കൂൾ ലീഡർ ആദിത്യ വിനു പൊന്നാട അണിയിച്ചു സ്വീകരിച്ചു. പ്രഥമ അധ്യാപകൻ ആത്മാറാം സി.കെ., സീനിയർ സൂപ്രണ്ട് റജി എം.ജെ., മലയാളം അധ്യാപകൻ അനീഷ് വി. കെ,മാസികയുടെ എഡിറ്റോറിയൽ ടീം അംഗങ്ങൾ, നിയാസ് പാലാറ, ശരത് കെ. ആർ എന്നിവർ ചടങ്ങിൽ സന്നിഹിതരായിരുന്നു. പട്ടികവർഗ്ഗ വികസന വകുപ്പിൻ്റെ നിയന്ത്രണത്തിലാണ് സ്കൂൾ പ്രവർത്തിക്കുന്നത്.
