ദൃശ്യം 2ന് ലഭിക്കുന്ന മികച്ച പ്രേക്ഷക പിന്തുണയ്ക്ക് നന്ദി അറിയിച്ച് മോഹന്‍ലാൽ. ഒടിടി പ്ലാറ്റ്ഫോമായ ആമസോണ്‍ പ്രൈമിൽ റിലീസ് ചെയ്ത ചിത്രത്തിന് മികച്ച പ്രതികരണമാണ് ലഭിക്കുന്നത്. തന്‍റെ ചിത്രത്തിന് ലഭിച്ച വരവേൽപ്പിനും പിന്തുണയ്ക്കും നന്ദി അറിയിച്ചു കൊണ്ടാണ് ഫേസ്ബുക്കിലൂടെ മോഹന്‍ലാൽ പ്രതികരിച്ചത്. ആളുകളുടെ അകമഴിഞ്ഞ സ്നേഹത്തിന് നന്ദി അറിയിച്ച അദ്ദേഹം ഈ സ്നേഹവും പിന്തുണയുമാണ് കൂടുതൽ മികച്ചതാകാൻ പ്രചോദനം നൽകുന്നതെന്നും ഫേസ്ബുക്കില്‍ കുറിച്ചു.
