ചേറില്‍ പുതഞ്ഞ മുഖവുമായി ടൊവിനോ തോമസ്. അന്യന്‍ സിനിമയിലെ വിക്രമിന്റെ സ്‌റ്റൈലില്‍ മുഖത്തേക്ക് വീണുകിടക്കുന്ന നീണ്ട മുടിയും. സോഷ്യല്‍ മീഡിയയില്‍ പ്രചരിക്കുന്ന ടൊവിനോ തോമസിന്റെ പുതിയ ലുക്ക് ചിത്രീകരണം പുരോഗമിക്കുന്ന ‘കള’ എന്ന സിനിമയുടേതാണ്. കൊവിഡ് നിയന്ത്രണങ്ങളോടെ ഷൂട്ടിംഗിലേക്ക് കടന്ന ചിത്രവുമാണ് കള. എറണാകുളത്തും പിറവത്തും പരിസരപ്രദേശങ്ങളിലുമാണ് ഷൂട്ടിംഗ്. അഡ്വഞ്ചേഴ്‌സ് ഓഫ് ഓമനക്കുട്ടന്‍, ഇബിലീസ് എന്നീ സിനിമകള്‍ക്ക് ശേഷം വി.എസ്. രോഹിത് സംവിധാനം ചെയ്യുന്ന സിനിമയുമാണ് കള.
