വോട്ടെണ്ണലിന്റെ ആദ്യ നാലുമണിക്കൂര്‍ പിന്നിട്ടപ്പോള്‍ ബിജെപി നേതൃത്വം നല്‍കുന്ന എന്‍ഡിഎ 291 സീറ്റുകളില്‍ ലീഡ് ചെയ്യുന്നു. പ്രതീക്ഷകള്‍ക്ക് വിപരീതമായി കോണ്‍ഗ്രസ് നേതൃത്വം നല്‍കുന്ന ഇന്ത്യ സഖ്യം 231 മണ്ഡലങ്ങളിലാണ് മുന്നേറുന്നത്. ഉറച്ച സംസ്ഥാനമാണെന്ന് കരുതിയ യുപിയില്‍ നിന്നാണ് ബിജെപിക്ക് ഏറ്റവുമധികം തിരിച്ചടി നേരിട്ടത്. എസ്പി, കോണ്‍ഗ്രസ് സഖ്യം വലിയ മുന്നേറ്റമാണ് യുപിയില്‍ കാഴ്ച വെച്ചത്. കഴിഞ്ഞ തവണ ഒറ്റയ്ക്ക് 303 സീറ്റുകള്‍ നേടിയ ബിജെപി ഇത്തവണ 238 സീറ്റുകളില്‍ മാത്രമാണ് ലീഡ് ചെയ്യുന്നത്. കോണ്‍ഗ്രസ് നില മെച്ചപ്പെടുത്തുന്നതാണ് കണ്ടത്. നൂറിന് അടുത്ത് സീറ്റുകളിലാണ് കോണ്‍ഗ്രസ് മുന്നേറുന്നത്.
