കമ്പളക്കാട് : വിദ്യാർഥികളിൽ ശാസ്ത്രബോധം വളർത്തുന്നതിന്റെ ഭാഗമായി കമ്പളക്കാട് ഗവൺമെൻറ് യുപി സ്കൂളിൽ ശാസ്ത്രോത്സവം സംഘടിപ്പിച്ചു. പ്രധാന അധ്യാപകൻ ഒ.സി എമ്മാനുവൽ ഉദ്ഘാടനം ചെയ്തു. പിടിഎ പ്രസിഡണ്ട് സി.കെ മുനീർ , എസ് എം സി ചെയർമാൻ ഹാരിസ് അയ്യാട്ട് ,എം പി ടി എ പ്രസിഡണ്ട് ഡാനിഷ, അധ്യാപകരായ സ്വപ്ന വി.എസ്, ദീപ ഡി, ശ്യാമിലി കെ, ഷഹർബാൻ കെ.എൻ എന്നിവർ സംസാരിച്ചു.
അധ്യാപകരും വിദ്യാർത്ഥികളും ചേർന്ന് തയ്യാറാക്കിയ ശാസ്ത്ര, ഗണിത, സോഷ്യൽ സയൻസ്, പ്രവർത്തി പരിചയ സ്റ്റാളുകൾ രക്ഷിതാക്കൾക്കും വിദ്യാർഥികൾക്കും കൗതുക കാഴ്ച്ചയൊരുക്കി.
